Dünyaca məşhur britaniyalı müğənni Sara Braytman Rusiyanın paytaxtı Moskvanın yaxınlığındakı Kosmonavtların Hazırlıq Mərkəzini tərk edərək istirahətə yollanıb.
Milli.Az Daily Mail-ə istinadən bildirir ki, onun istirahəti martın 11-dək davam edəcək.
54 yaşlı müğənninin harada istirahət etdiyi açıqlanmır.
Sara Braytmanın sentyabrın 1-də "Soyuz" kosmik gəmisi ilə kosmosa yollanacağı gözlənilir. O, uçuşu üçün 52 milyon dollar ödəyib.
Uçuş baş tutarsa, Braytman dünya tarixində 8-ci kosmik turist olacaq.
Uçuşda Braytmanın tərəf-müqabili 35 yaşlı danimarkalı mühəndis Andreas Mogensen olacaq.
Kosmosda 10 gün qalacaq Braytmanın uçuşunun kim və ya kimlər tərəfindən maliyyələşdirilməsi də dəqiq bəlli deyil.
Milli.Az
Böyütmək üçün şəkillərə klikləyin.