"Həzm edə biləcəyindən artıq yemək" ifadəsinin bariz nümunəsinə alimlər Makedoniyada rast gəliblər.
Qolem Qrad şəhərinin yaxınlığında tədqiqat aparan zooloqlar gürzə və qırxayaqla qarşılaşıblar.
Milli.Az Daily Mail-ə istinadən bildirir ki, gənc və təcrübəsiz dişi gürzə böyük qırxayağı ovlamış, onu udmuşdu.
Amma qırxayaq, deyəsən, həyatla vidalaşmaq niyyətində deyildi. İlanın qarnındakı bu həşərat qıvrılıb, çırpınıb və sonda ilanın qarnını yeyərək gəmirib, azadlığa çıxıb.
Di gəl, o da ilan təki ölüb.
Serb herpetoloq Lilian Tomoviç "Ecologica Montenegrina" jurnalındakı məqaləsində bildirir ki, 20 sm uzunluğunda ilan tamahının qurbanı olub.
Milli.Az