Maraqlı

Tanış olun: ən son Subaru Legacy - FOTO

5 Fevral 2014 20:38

0 Şərh Baxış: 1 655

VTB-də minimal faiz dərəcəsi ilə nağd kredit 9.9%-dən

#AVTO #SUBARU CO LTD

Subaru rəsmən yalnız sabah təqdim ediləcək tamamilə yeni Legacy modelinin ilk şəkillərini dərc edib. Və məlum olub ki, model keçən ilin payızında Tokio avtosalonunda göstərilmiş Subaru Levorg konseptindən fərqli olaraq o qədər də inqilabi görünmür. Maşının siması olduqca sakit təsir bağışlayır, amma yapon şirkətində əmindirlər ki, belə dizayn alıcıların əksəriyyətinin xoşuna gəlməlidir.

Milli.Az 4charx.com-a istinadən bildirir ki, əgər Subaru dizaynı həmişə bir çox mübahisələrə səbəb olurdusa, bu maşınların texniki imkanlarını hamı etiraf edir. Bu cəhətdən Legacy daimi tam ötürmə ilə klassik Subaru olaraq qalacaq.

Avtomobilin bütün texniki nüansları haqqında yaponlar bir az sonra danışacaqlar. Amma artıq indidən məlumdur ki, onlar salonun keyfiyyətli tərtibatına daha çox diqqət ayırıblar və burada kifayət qədər müasir təhlükəsizlik sistemləri olacaq - məsələn, salonda quraşdırılacaq radar avtomobilin ətrafındakı obyektlərə nəzarət edə biləcək. Həm də sistem yalnız nəqliyyat vasitələrini deyil, həm də piyadaları aşkar edəcək.

Milli.Az

Böyütmək üçün şəkillərə klikləyin.