Maraqlı

Dünyanı narahat edən ən böyük sirr açıldı

12 Dekabr 2012 17:28
0 Şərh     Baxış: 1 008
VTB-də minimal faiz dərəcəsi ilə nağd kredit 9.9%-dən
#RUSSİA #ATLANTİK FİNANCNİ TRHY A.S. #METAN JSC
Avstraliyalı alimlər bu məkanın sirrini açmağa yaxındırlar. Milli.Az Rusiya mətbuatına istinadən xəbər verir ki, Avstraliyanın Melburn şəhərindəki Monaşa Universitetinin əməkdaşları Cozef Monaqan və köməkçisi Devid Mey iddia edirlər ki, Atlantik okeanının bu sahəsində gəmilərin yoxa çıxmasının məntiqi izahı var. Onların fikrincə, buna səbəb qədim plitələrin çatlarından çıxan metan qazlarıdır.

Onların nəzəriyyələrinə görə, okeanın altından çıxan qaz səthə gələnə qədər böyük bir qabarcığa çevrilir və suyun səthindəki gəmiləri udur. Avstraliyalı alimlər hesab edirlər ki, metan qazının okean dibindən çıxan qabarcıqları elə böyük ölçülərə qədər böyüyürlər ki, onların partlayışı zamanı hətta aşağıdan uçan təyyarələr də məhv ola bilər.

Alimlər öz nəzəriyyələrini kompüter modeli üzərində yoxlayıblar və təsdiq olunub ki, qaz qabarcığının üzərinə düşən istənilən cism tələyə düşür və okeanın dibinə gedir. Sonradan isə alimlər nəzəriyyələrini real şəraitdə yoxlamağa çalışıblar. Böyük su rezervuarına oyuncaq gəmilər buraxıblar. Suyun altından isə metan qazı buraxıblar. Metan qabarcığının mərkəzinə düşən gəmilər dərhal suyun dibinə gediblər.

Alimlər Bermud üçbucağında tez-tez ölü orqanizmlərin tapılmasını da şərh ediblər. Onların sözlərinə görə, bu canlılar, sadəcə, zəhərli qazdan boğulublar.

Dünyanın elm ictimaiyyəti isə hələ bu nəzəriyyəni rəsmi formada tanımağa tələsmir.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.