PUL
.jpg)
Şkaflarda yaranan kif qoxusu həm paltarlara hopur, həm də sağlamlıq üçün zərərlidir.
Milli.Az xəbər verir ki, bu qoxunu sadəcə ətirlərlə ört-basdır etmək yerinə, onun kökünü kəsmək üçün aşağıdakı addımları ata bilərsiniz:
Kif qoxusunun əsas səbəbi rütubətdir. Şkafın künclərinə bu maddələri qoyaraq nəmi çəkə bilərsiniz:
Kiçik bir qaba düyü və ya soda qoyub şkafın küncünə yerləşdirin. Bunlar rütubəti özünə çəkərək kif yaranmasının qarşısını alır.
Bir neçə ədəd tabaşiri şkafın asılqan hissəsinə bağlayın. Tabaşir nəmi udmaqda çox effektlidir.
Şkafın içini boşaldın və rəfləri ağ sirkə ilə suyun qarışığı ilə silin. Sirkə kif sporlarını öldürən təbii bir dezinfeksiyaedicidir. Sildikdən sonra şkafın tamamilə quruduğundan əmin olun.
Şkafları otağın divarına tam bitişik qoymayın; arxada hava axını üçün 2-3 sm boşluq buraxın.
Paltarları şkafa tam qurumamış asmayın. Hətta bir az nəm qalan geyim bütün şkafda kif qoxusu yarada bilər.
Hər gün şkafın qapaqlarını 15-20 dəqiqə açıq saxlayaraq içərini havalandırın.
Aktiv kömür həm qoxunu, həm də rütubəti çəkmək qabiliyyətinə malikdir. Kiçik kisələrdə şkafın içinə yerləşdirilən aktiv kömür qısa müddətdə ağır qoxunu yox edir.
Kif qoxusu təmizləndikdən sonra şkafa xoş ətir vermək üçün pambıq üzərinə lavanda və ya çay ağacı yağı damcıdıb rəflərə qoya bilərsiniz. Xüsusilə çay ağacı yağı antibakterial xüsusiyyəti ilə kifin yenidən yaranmasına mane olur.
Lalə Qüdrətova
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
.jpg)
.png)
.jpg)
