Maraqlı

Tətildən iş rejiminə keçid - Yuxu rejimini necə bərpa edək?

8 Yanvar 2026 02:02

Baxış: 574

VTB-də minimal faiz dərəcəsi ilə nağd kredit 10.49%-dən

#MARAQLI #SAĞLAMLIQ #YUXUSUZLUQ

Yeni il tətillərindən sonra gündəlik rejimin pozulması bir çox insanda yuxu problemlərinə səbəb olur. Mütəxəssislər xəbərdarlıq edirlər ki, iş həyatına qəfil qayıdış bu problemi daha da dərinləşdirə bilər.

Milli.Az xəbər verir ki, rusiyalı həkim Maksim Novikov yerli mediaya açıqlamasında yuxu rejiminin tədricən normallaşdırılmasının vacibliyini vurğulayıb. Onun sözlərinə görə, hər gecə 15-30 dəqiqə daha tez yatmaqla orqanizmi əvvəlki qrafikə uyğunlaşdırmaq mümkündür.

Həkim yatmazdan əvvəl rahatladıcı vərdişlərin əhəmiyyətinə də diqqət çəkib. İsti vanna qəbul etmək, bitki çayı içmək, işıqları azaltmaq və elektron cihazlardan uzaq durmaq yuxuya getməyi asanlaşdıra bilər. Eyni zamanda, yataq otağının mütəmadi havalandırılması və havanın nəmləndirilməsi də yuxu keyfiyyətini yaxşılaşdıran amillər sırasındadır.

Maksim Novikov qış aylarında fiziki aktivliyin azalmasının da sağlam yuxuya mənfi təsir göstərdiyini bildirib. Onun fikrincə, gün ərzində 20-30 dəqiqəlik gəzinti və ya yüngül məşq endorfin ifrazını artıraraq həm əhval-ruhiyyəni yaxşılaşdırır, həm də gündəlik rejimə qayıtmağı asanlaşdırır.

Fidan
Milli.Az