Maraqlı

Baku Culture and Creative Fashion Week gənc dizaynerləri AFWEU Fashion Week Atlas-da iştirak edəcəklər - FOTO

16 Aprel 2025 12:48

Baxış: 341

VTB-də minimal faiz dərəcəsi ilə nağd kredit 10.49%-dən

Birinci Beynəlxalq Bakı Mədəniyyət və Sənət Moda Həftəsinin (Baku Culture and Creative Fashion Week) təşkilatçıları Azərbaycan Milli Geyim Mərkəzinin rəhbəri, Avrasiya Etnodizaynçılar Assosiasiyasının üzvü, sənətşünaslıq üzrə fəlsəfə doktoru Gülnarə Xəlilova və AFWEU -nun (Asiya, Afrika, Amerika və Avropa qitələrini təmsil edir) təsisçisi Aydın Açık gənc dizaynerlərə sertifikatlar təqdim ediblər

Azərbaycan Dövlət Rəssamlıq Akademiyasını və Azərbaycan Dövlət Mədəniyyət və İncəsənət Universitetini ziyarət edərək, layihədə iştirakına görə 13 ali məktəb yetirməsinə sertifikatlar təqdim olunub. Tədbirlər universitet müəllimlərinin iştirakı ilə keçirib.
Görışdə təşkilatçılar bildiriblər ki, Birinci Beynəlxalq Bakı Mədəniyyət və Sənət Moda Həftəsində Azərbaycan, Qazaxıstan, Gürcüstan, Rusiya və Türkiyədən olan dizaynerlər, eləcə də yerli gənc istedadlar iştirak ediblər. Əvvəlcə gənc dizaynerlərin ən yaxşı əsərləri AFWEU Fashion Week Atlas - Antalya Moda Həftəsində təqdim olunmalı idi, amma sonra qərar qəbul olundu ki, hər kəsə belə bir şans yaradılsın. Görüşdə gənclərin moda sənayesi sahəsində öz qabiliyyətlərinin daha da inkişaf etdirilməsinin vacibliyi vurğulanıb. 29-30 may tarixlərində keçiriləcək AFWEU Fashion Week Atlas gənc dizaynerlərin iştirakına dəvət əlamətdar hadisə oldu. Özüdə heç bir vəsait ödəmədən! Beləliklə, gənc istedadlar Türkiyədə beynəlxalq moda həftəsində tanınmış dizaynerlər ilə bərabər öz kolleksiyalarını təqdim edə bıləcəklər! Aydın Açıkın və Gülnarə Xəlilovanın gənc dizaynerlərə belə bir önəmli dəstəyi və beynəlxalq təcrübə qazanması alqışalayiqdir.

İnformasiya dəstəyi - Trend.Az, Day.Az, Milli.Az, Azernews.Az