Kainatın gizli xəzinəsi: 10 min illik supernova qalıqları yenidən görüntüləndi - FOTO

NASA və Avropa Kosmik Agentliyinin (ESA) birgə layihəsi olan Hubble Kosmik Teleskopu 35 illik xidmətinə yaxınlaşarkən məşhur bir supernova qalığı olan Pədə Dumanlığına yenidən fokuslanıb. 

Milli.Az qaynarinfo.az-a istinadən xəbər verir ki, Qu bürcü istiqamətində, təxminən 2 400 işıq ili uzaqlıqda yerləşən bu dumanlıq, Günəşdən təxminən 20 dəfə böyük bir ulduzun 10 min il əvvəl şiddətli partlayışı nəticəsində geridə qalan izlərdir.

Hubble Kosmik Teleskopu tərəfindən çəkilmiş bu şəkil Pərdə Dumanlığı adlı fövqəlnova qalığını göstərir. Şəkildəki mavi, qırmızı və sarı rənglər isti qazdakı müxtəlif növ atomlardan yayılan işığı təmsil edir

Müxtəlif dalğa uzunluqlarında əldə edilən yeni görüntü

"Hubble"ın Geniş Sahə Kamerası 3 (WFC3) vasitəsilə fərqli filtrlərdən istifadə edilərək çəkilən yeni və rəngli görüntüdə hidrogen, kükürd və oksigen atomları xüsusilə vurğulanıb. Görüntü Pərdə Dumanlığının yalnız kiçik bir hissəsini əhatə edir və bu sahə yan-yana düzülmüş altı Yer peykinin ölçüsünə bərabərdir. "Hubble" bu möhtəşəm dumanlığın görüntülərini daha əvvəl 1994, 1997 və 2015-ci illərdə də çəkmişdi.

1994-cü ilin noyabrında və 1997-ci ilin avqustunda çəkilmiş Pərdə Dumanlığının şəkilləri

Təqdim olunan şəkil dumanlığın nəhəng strukturunun yalnız kiçik bir hissəsini göstərən, təxminən iki işıq ili genişliyini əhatə edir. Altı fərqli "Hubble" şəklini birləşdirərək yaradılan bu mozaika 14-17 aprel 2015-ci il tarixləri arasında çəkilmiş şəkillərdən yaradılıb

Bu son görüntü tək bir vaxt çərçivəsində əldə edilsə də, göy alimlərinə son 30 ildə aparılan elmi tədqiqatları daha yaxşı anlamağa kömək edir. 1994-cü ildə "Hubble" tərəfindən çəkilmiş görüntülərlə birləşdirildikdə, bu yeni görüntü qaz buludlarının və nazik lifvari strukturların zamanla necə hərəkət etdiyini aydın şəkildə göstərir.

"Hubble"ın gecə səması müsabiqəsi

Bu il NASA və Astronomiya Birliyi "Hubble"ın Gecə Səması Yarışmasını elan edib. Hər ay "Hubble" alimləri astrofotoqrafların çəkə biləcəyi göy cisimlərinin siyahısını təqdim edəcəklər. Yarışmada seçilən bütün hədəflər Yerdən, xüsusən teleskop və ya durbin vasitəsilə müşahidə edilə bilir.

Əvvəlki müsabiqələrdə iştirakçılardan M1 Xərçəng Dumanlığı və C39 Kloun Dumanlığı kimi obyektləri görüntüləmələri istənilmişdi. Mart ayı üçün Şimal Yarımkürəsindəki müşahidəçilərə M44 (Arı yuvası), açıq ulduz topası M48, M67 və ya "Qızıl Göz Kral Kobrası" və C48 sarmal qalaktikasına fokuslanmaları tövsiyə olunur. Cənub Yarımkürəsində olan müşahidəçilərə isə, bu hədəflərə əlavə olaraq C90 planetar dumanlığını araşdırmaları məsləhət görülür.

35 illik kəşf və elmi miras

24 aprel 1990-cı ildə orbitə buraxıldığından bəri Hubble Kosmik Teleskopu 1,5 milyondan çox müşahidə aparıb və bu məlumatlar 20 mindən çox elmi məqalədə istifadə olunub. Kainatın sirrlərini açmağa davam edən bu teleskop, astrofizika sahəsində ən mühüm alətlərdən biri olaraq qalır.

Milli.Az