Ölkənin ən ağır çəkili qadını ilə eşq yaşayan SULTAN - Böyük hərəmxanası vardı - FOTOlar

Osmanlı sultanı Dəli İbrahim (1640-1648) bu sülalənin ən qəribə hökmdarlardan biri kimi tanınır.

Milli.Az xəbər verir ki, uşaq yaşlarında taxta çıxmazdan əvvəl o, uzun illər Topqapı sarayında qapalı bir otaqda saxlanılıb.

Həmişə qorxu içində yaşayıb ki, qardaşı IV Murad bir gün onu öldürəcək. Bu qorxu İbrahimin psixologiyasını "Dəli" adlandırılacaq qədər pozub.

IV Muradın ölümündən sonra ona sultan kimi taxta çıxmalı olduğunu deyəndə inanmayıb. Qardaşlarının hələ sağ olduğunu düşünərək, taxtı qəbul etməkdən qorxub. Amma anası Kösəm Sultan İbrahimi qardaşlarının hamısının öldüyünə inandırıb.

İbrahim taxta çıxdıqdan sonra qəribə və qeyri-adi davranışları ilə saray əhlinin diqqətini çəkir. Tez-tez heyvan səsləri çıxarması, anidən qəzəblənməsi və ətrafındakı insanlara ağlasığmaz göstərişlər verməsi İbrahimi hamının nəzərində dəliyə çevirir.

Osmanlının bu "ən dəli sultanı" qadın düşkünüydü. Bəzi tarixçilər deyirlər ki, bu səbəbdən o, hərəmində 400-dən çox qadın saxlayırdı. Xüsusilə çox kök qadınlara meyl etməsi və Şəmsi Pərə adlı 150 kiloqramlıq qadınla münasibəti Osmanlı dönəmində ən çox danışılan əhvalatlardan idi.

İbrahim taxtda olduğu dönəmdə dövlət idarəçiliyini anası Kösəm Sultan öz əlinə almışdı. İbrahim dövlət işləri ilə demək olar ki, heç məşğul olmurdu. Əsas qərarları anası və vəzirləri verirdi.

Bəzi tarixçilərə görə, İbrahimin ən qəribə əmrlərindən biri saray qadınlarının boğdurması olub. Ona qarşı sui-qəsd planlandığını eşidəndə hərəmindəki 280 qadını torbalara qoyduraraq dənizdə boğdurmuşdu. Bu, Osmanlı tarixinin görünməmiş hadisələrindən idi.

Dəli İbrahimin davranışlarından təngə gələn dövlət adamları üsyana qalxdılar. Nəticədə o, hakimiyyətdən endirildi, yerinə qardaşı IV Mehmet çıxdı. Özü isə bundan bir neçə ay sonra - 1648-ci ildə boğdurularaq öldürüldü. /Teleqraf.com 

Milli.Az