Maraqlı

Mask yenə rekorda imza atdı: 800 kilometr məsafə, iki milyon sifariş - VİDEO - FOTO

2 Dekabr 2023 20:44
Baxış: 2 488
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Amerikalı milyarder İlon Maskın "Tesla" şirkəti "Cybertruck" pikapının kütləvi satışına başlayıb. Elektrikli pikapın ən ucuz versiyası 60 990 dollara (103,5 min manat) başa gələcək ki, bu da 2019-cu ildə vəd edilən 40 min dollardan (68 min manat) xeyli çoxdur.

Milli.Az oxu.az-a istinadən xəbər verir ki, Pikapın ən güclü versiyası olan "Cyberbeast", eləcə də tam ötürücülü versiyaları 2024-cü ildən başlayaraq müştərilərə müvafiq olaraq 100 min dollar (170 min manat) və 80 min dollarlıq (136 min manat) başlanğıc qiymətlərlə təqdim olunacaq.

Şirkətdən verilən məlumata görə, avtomobil 1,5 tondan çox yük daşıya, 96 km/saat sürəti 2,9 saniyəyə yığa və bir akkumulyatorun doldurulması ilə 800 km məsafə qət edə biləcək.

"Cybertruck" sifarişləri artıq 2 milyona çatıb.
Qeyd edək ki, "Cybertruck"ın imkanlarının sərgiləndiyi videoda Mask pikapın pulemyotla atəşə tutulma anını göstərib. Kadrlarda maşının gövdəsi əzilsə də, deşilmədiyi görünür.

Bundan əvvəl "Tesla" şirkəti pikapı oxla sınamasının görüntülərini paylaşmışdı.

Milli.Az
Xəbərlərimizi WhatsApp kanalımızdan da oxuyun

Məqaləyə dair fotomateriallar:

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.