Maraqlı

Telefonunuzun təhlükəsizliyini təmin edən 3 QAYDA

23 Mart 2023 22:33

Baxış: 805

#MOBİL TELEFON

Mobil cihazdan istifadə edərkən təhlükəsizlik qaydalarına əməl edilməməsi ciddi fəsadlarla səbəb ola bilər.

Milli.Az lent.az-a istinadən bildirir ki, bunun üçün 3 sadə qaydaya əməl etmək lazımdır.

Parolun təyin edilməsi

İstifadəçilərin bir çoxu telefonlarına parol təyin etmir. Təəssüf ki, bu səhv addımdır. Çünki hər hansı bir məkanda istənilən şəxs telefonunuzu götürüb şəxsi fayllarınıza və səhifələrinizə giriş əldə edə bilər. Bunun üçün mütləq telefonunuza parol qoyun. Üz tanıma və barmaq izinin tanınması kimi funksiyanın olması daha yaxşıdır.

Naməlum linkləri izləməyin

Naməlum internet resurslarına keçid reklamlarına məhəl qoymamaq məsləhətdir. Əks halda, şəxsi məlumatlara girişin itirilməsi və ya smartfonunuzda virusun görünməsi ehtimalı yüksəkdir.

Tətbiq yeniləməsi

Telefonunuzda quraşdırılmış proqramlar mütəmadi olaraq yenilənməlidir. Çünki tərtibatçılar təhlükəsizlik sistemini hər dəfə daha da təkmilləşdirirlər. Bununla yanaşı, proqramların yüklənməsi və ya yenilənməsi yalnız etibarlı proqram mağazası və ya rəsmi tərtibatçı portalı vasitəsilə həyata keçirilməlidir.

Milli.Az