Maraqlı

Səhv təyyarəyə mindirdilər, ölkəsindən 5 min km uzaqlaşdı

6 Dekabr 2022 20:12
Baxış: 999

Meksikanın bir şəhərindən digərinə uçan turist "Volaris" aviaşirkətinin əməkdaşlarının səhvi ucbatından istədiyi ölkədən 4,5 min kilometr uzaqlaşıb.

Milli.Az bildirir ki, qız hekayəsini TikTok-da paylaşıb və Britaniyanın "The Sun" tabloidi onu yayımlayıb.

Mari-Hose Qamboa qeyd edib ki, o, Qvadalaxaradan Tuxtla Qutierrezdəki ailəsinə uçmaq niyyətində olub. Daşıyıcının işçiləri minmə talonunu yoxlayarkən turistə onun səhv növbədə olduğunu deyiblər və ona görə də başqasına göndəriblər. Sərnişin təyyarəyə minəndə görüb ki, onun oturacağı artıq alınıb. Qızın dediyinə görə, o, bu vəziyyətdən utanıb, lakin ekipaj üzvləri bunu anlamayıb, sadəcə olaraq onu başqa kresloya oturdublar.

Üç saat sonra stüardessalar sərnişinlərdən ingilis dilində gömrük bəyannaməsini doldurmağı xahiş ediblər. Qız çox çaşqın olub, çünki nə baş verdiyini anlamayıb. Yaxınlıqda oturan kişi aviaşirkətin səhvini anlayıb və bu barədə turistə məlumat vermək qərarına gəlib. Yalnız o anda Qamboa anlayıb ki, o, Meksikaya deyil, ABŞ-ın şimal-qərbində yerləşən Sietl şəhərinə uçub.

Nəticədə səyahətçi səhv barədə stüardessalara məlumat verib. Uçuş heyətinin üzvləri qızın qohumları ilə əlaqə saxlayaraq baş verənləri onlara danışa biliblər. Aviaşirkət turistin ailəsi ilə qovuşduğu Meksikaya qayıtması üçün də pul ödəyib.

İrfan Vəliyev
Milli.Az

5 ilədək dəyişməz 14,5%-dən zaminsiz, komissiyasız 40 000 manatadək kredit
Azernews Newspaper

XƏBƏR LENTİ

Copyright © 2023 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics