Günahı təkrar etməməyin ən təsirli yolları

Mömin insan gərək keçmişdəki əməllərinə görə nigaran və gələcəyinə görə qorxan olsun. Lakin bu qəm ilə qorxu elə olmasın ki, onu məyus və ümidsiz etsin. Allahın rəhməti sonsuzdur.

Bütün günahkar bəndələrini dəvət etmişdir ki, Ona tərəf qayıdıb tövbə etsinlər. Allah vədə vermişdir ki, əgər tövbə etsəniz və çikrin əməllərdən əl çəksəniz, sizi bağışlayaram. Sizə Öz sonsuz rəhmətimi şamil edərəm.

İmam Baqir (ə) buyurur: "Elə bir mömin bəndə yoxdur o halda olmasın ki, varlığına iki nur saçar: keçmişdə etdiklərinə görə qorxu nuru və İlahi rəhmət və fəzlə görə ümid nuru ki, əgər hər biri o birisi ilə ölçülərsə, heç bir çox olmaz".

Ona görə də həqiqi mömin gərək həm Allahın rəhmətinə ümid bəsləsin və həm də keçmişdəki əməllərinə görə qorxsun. Lakin hər ikisi arasındakı bərabərliyi qoruya bilsin. Məbada biri o birisinə qalib gələr.

Bu zaman şeytan (lən) ona vəsvəsə edib, düz yoldan azdırar. Çünki insan çox qorxan zaman məyus və qəmgin olur. Çox ümid bəsləyən zaman isə günah etməyə cürət əldə edir.

İnsanın Allaha tərəf qayıtmağının ən yaxşı yolu - pis əməlindən peşman olmasıdır. Lakin tövbə edərək yerində dayanmaq olmaz. Bəlkə Allah onunla cəhənnəm arasında körpü qərar vermişdir ki, insan onu keçərək behiştə çata bilər. Ona görə də sonrakı addım yolunu dəyişmək və günahı tərk etməkdir.

İnsan adətən bir günah işlədən zaman başqa günahlar üçün də zəminə hazırlayır.

Bəzən Allah insana sərvət verərək onu imtahana çəkər və Allah nemətlərinin sayını artırdıqca daha çox günah edər.

Bəzən də insan başqa bir yolla günaha tərəf çəkilər. Belə ki, günah iş görən zaman düşünər ki, yaxşı iş görmüşdür. Günahı müəyyən etmək qüdrətini əldən verər.

Bəzən günah nəticəsində insanda hərislik və tamahkarlıq baş qaldırar. Bəzən də insan günah etməkdən ləzzət alar. Ürəyi etdiyi hər günaha meyl etdiyi üçün günahı yerinə yetirmək ona ləzzət gətirər.

Bəs tövbəyə necə nail olaq?

Tövbə etməyə nail olmaq üçün insan bilməlidir ki, müxtəlif məcunlardan yaradılmışdır. Onun varlığında həm heyvani sifətlər vardır və həm də Allahı axtaran və fitri sifətlər. Bu qüvvələr arasında daima dava və münaqişə vardır. İnsan gərək şeytani vəsvəsələr ilə mübarizə apararaq öz nəfsani qüvvələrini kontrolu altında saxlasın.

Bəzən insanın tövbə edə bilməməsinin səbəbi şəhvət qüvvəsinin güclü olmasındadır. Ona görə də cavanları tez evləndirmək lazımdır ki, günah etməsinlər. Tövbə etmək üçün zəminələr yaransın.

İnsan günahın kökünü bəzən birdən kəsə bilmir, bunu tədricən etmək lazım olur. Özünə söz versən ki, mən artıq bu gündən sonra günah etməyəcəyəm, əməldə bunu etmək çətindir. Sadəcə kiçik söz verməkdən başla.

Bu gün özünə söz ver ki, gözünü kontrol edəcəksən. Sonra da əgər bu işi görməsən, özünü cərimələ. Bu cəriməni mütləq yerinə yetir. Sabah üçün başqa bir şeyi özünə söz ver.

Tövbə etməkdə müvəffəq olmaq üçün gərək imanımız güclü olsun. Bəs bunun üçün nə edək?

İmanı gücləndirmək üçün iki zəminədə çalışmaq lazımdır: özünün elmi biliklərini artırmaq.

İkinci addımda isə əməllərinə diqqət etmək. Vacibatları yerinə yetirmək və haramlardan çəkinmək. Özünüz üçün bir cədvəl tərtib edin ki, bir tərəfinə gün ərzində etdiyiniz yaxşı əməlləri və o biri tərəfinə isə pis əməllərinizi yazın. Yaxşı əməllərinizə görə Allaha şükür edin, pis əməllərinizə görə isə mütləq tövbə edin.

Milli.Az