Maraqlı

Züheyr ibn Qəyn kimdir?

16 Avqust 2022 20:40
0 Şərh     Baxış: 273

Züheyr (r.ə) Kufənin tanınmış və şücaətli şəxslərindən biri idi. O, bir vaxt xəlifə Osmanın havadarlarından olmuşdur.

İmam Hüseyn (ə) Məkkədən Kufəyə hərəkət edərkən Züheyr (r.ə) də ailəsi ilə birgə həcdən qayıdırdı. O, İmamla rastlaşmamaq üçün yolda məsafə saxlayırdı. Amma bir gün istirahət üçün imamın xeyməsindən bir qədər aralı xeymə qurmağa məcbur oldu.

Züheyrin (r.ə) yoldaşı nəql edir ki, sübh yeməyi yediyimiz vaxt bir şəxs gəlib salam verdi və imam Hüseynin (ə) Züheyri (r.ə) görmək istədiyini bildirdi. Bu hadisə o qədər gözlənilməz oldu ki, Züheyr (r.ə) yerində donub qaldı.

Xanımı Züheyrə (r.ə) dedi: "Peyğəmbər övladı səni çağırır, sənsə yubanırsan!" Züheyr (r.ə) ayağa qalxıb imamın xeyməsinə üz tutdu.

Beləcə, qəlbi cəhalət qaranlığına bürünmüş Züheyrə (r.ə) imamın (ə) nurani sözləri vasitəsi ilə işığa çıxmaq nəsib oldu. Züheyr (r.ə) imama (ə) qoşulduqdan sonra qarşıdakı yolun çətinliyini nəzərə alaraq arvadının nikahını geri oxuyub onu evə göndərdi.

Hürrün dəstəsi imam Hüseynin (ə) qarşısını kəsərkən Züheyr (r.ə) Hürr ilə döyüşməyi təklif etdi. Amma imam (ə) səbr etməyə üstünlük verdi. Aşuradan bir gün qabaq (tasua günü) imam (ə) ətrafındakılara Kərbəladan getmək icazəsini verdi. Züheyr (r.ə) dedi: "And olsun Allaha! Sənin və Əhli-beytini (ə) hifzi üçün min dəfə ölüb dirilməyə hazıram."

Aşura günü imam Hüseyn (ə) öz cəbhəsinin sağ cinahında rəhbərliyini Züheyrə (r.ə) tapşırdı. O, imamdan sonra düşmən qarşısına çıxan ikinci şəxs idi. Züheyr (r.ə) şücaətlə döyüşdü və öz əqidəsini sübut edərək şəhadətə yetişdi.

Milli.Az

13,99%-dən 40 000 AZN-dək zaminsiz, komissiyasız KREDİT
Azernews Newspaper

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics