Maraqlı

Qarpızı çox yeməyin ZƏRƏRLƏRİ

16 Avqust 2022 21:01
0 Şərh     Baxış: 1 309
VTB-də minimal faiz dərəcəsi ilə nağd kredit 9.9%-dən
#SAĞLAMLIQ

Qarpızı həddindən artıq yemək mədə-bağırsaq traktında və maddələr mübadiləsində problemlərə səbəb ola bilər.

Milli.Az publika.az-a istinadla xəbər verir ki, bu barədə Moskva Səhiyyə Departamentinin nümayəndəsi Viktoriya Yeqorova məlumat verib.

Onun sözlərinə görə, qarpız yüksək qlisemik indeksə malikdir, bu səbəbdən gündə 500 qramdan çox yemək olmaz.

Həkim həmçinin mədə-bağırsaq traktının xəstəlikləri, böyrək daşları olduqda, şəkərli diabet və fərdi dözümsüzlük zamanı qarpızın qida rasionuna ümumiyyətlə daxil edilməməsi və ya ehtiyatla istifadəsi barədə xəbərdarlıq edib.

"Bundan başqa, qarpızı bir yaşa qədər körpəyə vermək tövsiyə edilmir, üç yaşa qədər uşaqlara isə ehtiyatla -gündə 50-80 qramdan çox olmamaq şərtilə vermək olar", - deyə Yeqorova əlavə edib.

Mütəxəssis qeyd edib ki, qarpız qəlyanaltı və ya desert ola bilər, ancaq sidikqovucu təsirə malik olduğu üçün gecələr istehlak etmək məsləhət deyil.

Bununla belə qeyd edək ki, qarpızın faydalı xüsusiyyətləri də az deyil.

"A", "C", "B" vitaminləri, maqnezium, beta-karotinlərlə zəngin qarpız ürək xəstəlikləri, döş xərçəngi, ağciyər, prostat vəzinin xərçəngi və yaşla əlaqədar görmə qabiliyyətinin pozulmasına qarşı müqavimət göstərir, yüksək qan təzyiqini aşağı salır.

Bundan başqa bu giləmeyvə osteoartrid, revmatoidli artrid və astma xəstəliklərinin bəzi simptomlarını zəiflədir. Həkim qarpızdan gün ərzində qeyd olunan miqdarı nəzərə alaraq istifadə edilməsini məsləhət görür.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.