Pəhriz saxlamadan arıqlayın

Formada qalmaq və sağlam həyat yaşamaq istəyirsinizsə, düzgün qidalanmaq həyatınızın bir parçası olmalıdır. Bunun üçün yeməklərin kalorisini hesablamaq kifayət deyil. Vücudun ehtiyac duyduğu bütün mikro və makro qidaları da istehlak etmək lazımdır. Bu şəkildə uzun müddət formanızı qoruya və bədəndəki yağ nisbətini düzgün səviyyədə saxlaya bilərsiniz.

Milli.Az Axşam.az-a istinadən xəbər verir ki, müasir həyatın sıx və sürətli tempi bəzi vacib məqamları əldən verməyinizə səbəb olur. Sağlam və balanslı bir pəhriz yediyinizi düşünür, lakin formada qalmaqda çətinlik çəkir və ya tərəzidə, aynada istədiyiniz nəticəni görə bilmirsiniz? Bunun səbəbi müəyyən qidaları istehlak edərək lazımsız kalori qəbul etməyinizdir.

Şəkərli və turş içkilərin istehlakını məhdudlaşdırın

Alkoqollu, şəkərli və ya turş içkilər içdiyiniz zaman çox miqdarda kalori istehlak etdiyinizin fərqinə varmırsınız. Bununla birlikdə, şəkər ehtiva edən bütün içkilər qan şəkərinin artmasına səbəb olur. Şəkərsiz, dadlandırılmış içkilər isə diabet riskini artırır. Eyni zamanda beyin şəkər istehlak etdiyini düşündüyü üçün qandakı şəkər balansı pozulur.

Yüksək kalorili souslardan çəkinin

Mayonez, ketçup, xardal və buna bənzər souslar yüksək kalorili qidalardır. Məsələn, bir fincan mayonez təxminən 450 kalori, sadə qatığın ekvivalent miqdarı isə cəmi 75 kaloridir. Yeməklərin yanında, makaron və ya salat reseptlərində yüksək kalorili souslardan istifadə edərkən, boşqabınızın kalori dəyərini bilmədən artırırsınız.

Salat reseptlərinizi nəzərdən keçirin

Salata 1-2 xörək qaşığı yağ əlavə etdikdə kalori miqdarı tədricən artır. Konservləşdirilmiş qarğıdalı, qızardılmış toyuq, mayonez və zeytun yağı ilə hazırlanmış salat düşünün. Bu salat aşağı kalorili deyil, əksinə karbohidrat və yağlarla zəngin bir yeməkdir.

Yavaş yeməyə çalışın

Yediklərinizdən zövq alın. Tez yediyiniz zaman, bədəniniz doyma siqnalları ifraz etməyə başlamazdan əvvəl yeməyiniz bitir və buna görə də tox olduğunuzu anlaya bilmədiyiniz üçün yeməyə davam edirsiniz. Yavaş -yavaş yeməyə başladığınız zaman özünüzü daha tox hiss edəcək və daha az kalori almağa başlayacaqsınız.  

Milli.Az