Hadisə

“Koroğlu” metro stansiyasının yaxınlığında yanğın olub - YENİLƏNİB

21 Sentyabr 2020 19:11

Baxış: 2 082

VTB-də minimal faiz dərəcəsi ilə nağd kredit 10.49%-dən

#YANĞIN #TIXAC

19:11

Bakı şəhərinin Sabunçu rayonunda Bakı Olimpiya Stadionunun yaxınlığında sıx qamışlıq, quru ot və kol-kos olan ərazidə baş vermiş yanğın Fövqəladə Hallar Nazirliyinin (FHN) Dövlət Yanğından Mühafizə Xidmətinin yanğından mühafizə bölmələri tərəfindən söndürülüb.

Bu barədə Milli.Az-a FHN-dən məlumat verilib.

İlkin məlumata görə, 1 ha sahədə qamışlıq və quru ot yanıb. Yaxınlıqdakı neft və qaz kəmərləri, həmçinin yaşayış evləri yanğından mühafizə olunub.

---------
18:32

Bakıda yanğın avtomobil sıxlığına səbəb olub.

Milli.Az bildirir ki, bu barədə Bakı Nəqliyyat Agentliyindən bildirilib. Verilən məlumata görə, Heydər Əliyev prospekti Sabunçu yol qovşağı yaxınlığında yoldan kənar ərazidə yanğın baş verib.

Bu səbəbdən də H.Əliyev-Hava limanı yolunda, xüsusəndə Sabunçu istiqamətində köməkçi yolda sıxlıq müşahidə olunur.

Yanğınla bağlı Fövqəladə Hallar Nazirliyi (FHN) də məlumat yayıb.

FHN-dən Milli.Az-a bildiriblər ki, nazirliyin Dövlət Yanğından Mühafizə Xidmətinin yanğından mühafizə bölmələri yanğınsöndürmə işlərinə cəlb edilib.

İlkin məlumata görə 0,5 hektar sahədə qamışlıq və kol-kos yanır.

Hazırda yanğınsöndürmə işləri davam etdirilir.

Milli.Az