Hadisə

5 yaşlı qızını itirən ata fəryad edir: "Qızım həkim səhlənkarlığının qurbanı oldu" - FOTO

15 Yanvar 2020 19:22
10 Şərh     Baxış: 2 238

Azərbaycanda daha bir körpə xəstəxanada dünyasını dəyişib.

Milli.Az bildirir ki, bu barədə Bakı sakini, 1990-cı il təvəllüdlü Ceyhun Məmmədov baku.ws-ə şikayətində bildirib.

O bildirib ki, qızı, 2014-cü il 20 sentyabr təvəllüdlü Füruzə Məmmədova yanvarın 13-də günorta saatlarında A.F.Qarayev adına 2 saylı uşaq kliniki xəstəxanasında dünyasını dəyişib.

Ceyhun bildirib ki, qızını ağır vəziyyətdə gecə saatlarında xəstəxanaya aparıblar. Xəstəxanaya daxil olarkən uşağın vəziyyəti ağır olub. Xəstəxananın Könül adlı növbətçi həkimi valideynlərə bildirib ki, Füruzənin halı olduqca pisdir. Ailə hər şeyə hazır olmalıdır.

C.Məmmədov deyir ki, qızı həkim səhlənkarlığının qurbanı olub.

O bildirib ki, qızını Tibb Universitetinin Klinikası və "New med" tibb klinikasında çalışan Nəzakət adlı həkim müalicə edib.

Ata iddia edir ki, həkimin düzgün aparmadığı müalicə xəstədə əks göstərişə səbəb olub.

"Nəzakət xanım Füruzənin 2 aylığından həkimi olub. Biz getdik yanına, dedi ki, uşaqda heç nə yoxdur. Yanvarın 7-də onu "New med" tibb klinikasına apardıq.

Uşağı müayinə etdi, sonra bizi göndərdi Tibb Universitetinin Klinikasına. Uşağa günorta növbəsində sistem vuruldu. Əslində isə ona sistem vurulmamalıydı.

Uşağım həkimin səhlənkarlığdan öldü. Ona dedik ki, rentgenə salaq, dedi ehtiyac yoxdur.

Dedi ki, qrip belə davam edir. Uşağı ölümcül vəziyyətdə xəstəxanaya aparmışıq. A.F.Qarayev adına 2 saylı uşaq kliniki xəstəxanasında uşağın vəziyyətini ağır qiymətləndirdilər.

Lakin Nəzakət xanım deyirdi ki, qrip virusudur, düzələcək", - deyə Ceyhun Məmmədov bildirib.

Qeyd edək ki, Füruzə Məmmədov xəstəxanaya aparılarkən oksigen 75-dən yuxarı qalxmırmış. Həkimlərin səyinə baxmayaraq, uşağın vəziyyətini düzəldə bilməyiblər.

Səhlənkarlıqda ittiham olunan Nəzakət xanımla əlaqə saxladıq. Həkim baku.ws-ə bildirdi ki, uşaqların ölümündə valideynlərinin də səhlənkarlığı az deyil.

"Onların ağrı-acısı böyük olduğu üçün danışqlarını bilmirlər. Burada valideyn məsuliyyətsizliyi də rol oynayır. Bundan artıq nəsə demək istəmirəm".

Məsələ ilə əlaqədar Füruzənin dünyasını dəyişən xəstəxana ilə əlaqə saxladıq. Xəstəxananın baş həkimi Azər Xudiyev bildirdi ki, uşaq xəstəxanaya gətirilərkən halı çox pis olub.

"20 sentyabr 2014-cü il təvəllüdlü Məmədova Firuzə Ceyhun qızı 13 yanvar 2020-ci il tarixində saat 03:43-də preaqonal vəziyyətdə (ölümqabağı vəziyyət) A.F.Qarayev adına 2 saylı uşaq kliniki xəstəxanasına gətirilib.

Ona plevropnevmoniya, ikincili miokardit, III-IV dərəcəli tənəffüs çatışmazlığı, III dərəcəli ürək-damar çatışmazlığı diaqnozu qoyulub. Xəstəyə reanimasiyada intensiv terapiya aparılıb.

Ağciyərlər süni ventilyasiya aparatına qoşulub.

Təxminən 10 saat ərzində aparılan intensiv reanimasiya tədbirlərinə baxmayaraq, 13:35-də xəstə dünyasını dəyişib", - Azər Xudiyev bildirib.

Milli.Az

Məqaləyə dair fotomateriallar:

loading...

Şərh yaz:

10 Şərh:

  • Anonim
    Yusif · 15 Yanvar 19:3270

    doktor günahin böynuna aldida....deyirki,valideynlerinde az deyil günahı....50%Men hunahkaramsa 50%siz gunahkarsiniz yeni.Allah rehmet elesin.

    Cavab yaz
  • Anonim
    asi · 15 Yanvar 19:3751

    Çox heyif,((((.. körpə uşağın ölümünə qarşı bu cür reaksiya həkimin vicdansızlığını sübut edir..1 həftəfə ikinci uşaq eyni səbəbdən dünyasın dəyişir..Oxşamağa çalışdığımız ölkələrin illik statistikasını 1 həftəyə əldə edirik, “maşallah”..

    Cavab yaz
  • Anonim
    **** · 15 Yanvar 19:4053

    Mende tibb sahesinde caliwiram bawa duwurem valideyinlerini.uwaqlarini itiribler.ama hacan baxirsan valideyin gunahi hekimde axtarir. Maraqlisi odurki ozlerinde bir qram olsunda gunah gormurlere.sizler vaxtinda uwaqlari hekime aparsaz bele olmazdi.

    Cavab yaz
  • Anonim
    User · 15 Yanvar 20:1290

    Allah rehmet elesin.Indiki qripler cox pisdi.Usagligda ilde nece defe qrip olurduq.Yataq rejimi cay turkecare mualice.3-4 gune sagalirdiq.Indi ise oz usaglarimda dermansiz hekimsiz bi zehirmar qrip kecmir.

    Cavab yaz
  • Anonim
    ƏSİ. · 15 Yanvar 21:3035

    Həkimləri qaralama kompaniyasına davam:(.Hərdən,yadımıza düşəndə yaxşılarından da yazın bir zəhmət.Savadlı həkimlərimiz çoxdu,onların da haqqına girirsiniz!!

    Cavab yaz
  • Anonim
    ƏSİ. · 15 Yanvar 21:3513

    Oxuduqca dəhşətə gəlirəm.Yaxşı,həkim yaxşı həkim deyil,bəs valideynləri.Nə qədər şüursuz olasan ki,uşağı o vəziyyətə çatdırasan,çatdıran həkimə inanasan,dözəsən,səbr edəsən.Kor deyilsiniz ki,görmürsünüz o uşaq nə vəziyyətdədi??Müalicə kömək etmirsə,həkiminizi dəyişin,başqa tədbirlər görün!Hansı dövrdə yaşayırıq,əlinizin altında min cür imkan var.Uşağı itirəndən sonra günahkar axtarmağınızın xeyri yoxdur!

    Cavab yaz
    • Anonim
      Ana · 15 Yanvar 22:2443

      Siz deyəsən valideyn deyilsiz belə boş boş danışırsız.

      Cavab yaz
      • Anonim
        ƏSİ. · 15 Yanvar 22:3602

        Sizdə deyəsən məqaləni və uşaqdakı simptomları oxumadınız.Mən yandığımdan yazmışam:(((

        Cavab yaz
  • Anonim
    .M. · 16 Yanvar 08:5320

    Can bala.İndi o atacaq günahi bunun boynuna bu atacaq onun boynuna həmişəki kimi.Amma ortada bir həqiqət var ki artiq bu gözəl bala yoxdu bu dünyada təəssüf

    Cavab yaz
  • Anonim
    qonaq · 16 Yanvar 10:2321

    Allah rehmet elesin.valideynlerine sebr versin.elbetde gunah olende di.bizim hekim adini layiq olmayan mehluqlar hemiweki kimi pak ve gunaxsizdi

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.