Hadisə

Gənc müəllim tələbə qızın qaçırılmasına etiraz etdi, təhqir olundu - VİDEO - FOTO

15 Oktyabr 2019 13:35
8 Şərh     Baxış: 2 331

Gürcüstanın azərbaycanlılar yaşadığı Qardabani rayonunun Kalinino kəndində təhsil almaq istəyən qızların zorla qaçırılmasına etiraz edən gənc müəllim üzr istəməyə məcbur edilib.

Milli.Az qafqazinfo-ya istinadən xəbər verir ki, Həmid Sadıx adlı müəllim Feysbuk-da status yazaraq Təzəkənd kəndində dərs dediyi və bu il ali məktəbə qəbul olan qız şagirdinin avtobus dayanacağından zorla qaçırıldığını deyib:

"Vaxtilə dərs dediyim şagirdlərimdən birini zorla qaçırıblar. Bu gün universitetə ilk addımını atacaqdı, dayanacaqdan qaçırıblar. Bax belə murdar, əclaf adamlardan ibarətdir bizim icma. İndi ağsaqqallar düşəcək ortaya ki, barışın getsin".

Bundan sonra gənc müəllimə təzyiqlər başlayıb və kənd əhalisi bir yerə toplaşaraq Həmid Sadıxı da camaatın içərisinə gətiriblər. Orada gənclər onu döyməklə hədələyiblər. Gürcüstan televiziyasının hazırladığı reportajda görünür ki, cavan oğlanlar Həmid Sadıxın üzərinə hücum etmək istəyəndə kənardan "döymə" çağırışları eşidilir.

Burada kişilər gənc müəllimi onlardan üzr istəməyə məcbur ediblər və bunu videoya çəkərək sosial şəbəkələrdə yayımlayıblar. Bundan sonra isə vətəndaşlar müəllim Həmid Sadıxın müdafiəsi, gənc qızların zorla ərə verilməsinə etiraz üçün kampaniya başladıblar.

Gənclər #MənHəmidəm #MüəlliməToxunma həştəqləri ilə paylaşımlar etməyə başlayıblar. Həmid Sadıx daha sonra paylaşım edərək ümumi kənd əhalisini yox, zorakılığı, zorakılığa bəraət verənləri və vermək istəyən şəxləri təhqir etdiyini bildirib.

Milli.Az

Məqaləyə dair fotomateriallar:

loading...

Şərh yaz:

8 Şərh:

  • Anonim
    M · 15 Oktyabr 14:0260

    Bele cahillerin icinde yasamaq da, ishlemek de zulumdu.Yaziqlar olsun sizin kimi qanmaz sexsiyyetlere.! Muellim sizin kimilere doqru yolu gosterir de, qoyun qizlariniz oxusun, gerek gedib qalosla qoyun otara.

    Cavab yaz
  • Anonim
    Uzaq · 15 Oktyabr 14:0820

    Həqiqətən də tfuuu (

    Cavab yaz
  • Anonim
    Zuni · 15 Oktyabr 14:2460

    Necede geride qaliblar

    Cavab yaz
  • Anonim
    Ulya · 15 Oktyabr 14:4770

    Qızlara təhsil oğlanlardan daha vacibdir! İmkan verin təhsil alsın qızlar

    Cavab yaz
  • Anonim
    qonaq · 15 Oktyabr 15:2660

    gurcustanda dede-baba qaydasi qizi 12-13 yawinda niwanlamayanda,15 yawinda ere vermeyende deyirler evde qaldi.hansi tehsilden irelliyiwden daniwirlar?helede 17-18 esrlerde qaliblar.

    Cavab yaz
  • Anonim
    Bacı · 15 Oktyabr 16:1420

    Ay millət,onsuz da bu gürcüstanlıların gürcüstanda yaşayan azərbaycan qızları tez ərə gedir oğlanlarıda tez evlənir.bu onlarda alətdir.birinci dəfə deyil ki

    Cavab yaz
  • Anonim
    Sovet vətəndaşı · 15 Oktyabr 16:3130

    Amazonka meşələrində yaşayan meşə insanlarıdır bunlar belə? Bircə qaldı müəllimi ağaca bağlayıb yandıralar. Nə vəhşi camaatdi! Belə vəhşi hərəkətlə müəllimin haqlı olduğunu özləri sübut etdilər.

    Cavab yaz
  • Anonim
    QQ · 15 Oktyabr 18:0420

    Cəhalətin dibinə qayıdırıq maşAllah.19 əsrin əvvəllərinə dönürük . Biz çətin düzələrik bir millət olaraq

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.