Hadisə

Əsgər ailəsi qəzaya düşdü: 5 yaralı - YENİLƏNİB - VİDEO

16 Fevral 2015 13:40

1 Şərh Baxış: 3 384

VTB-də minimal faiz dərəcəsi ilə nağd kredit 9.9%-dən

#HADİSƏ #JAPAN

16.02.2015
11:22

Kanal S (Region TV) xəbər verir ki, dumanlı hava qəzaya səbəb olub. Əsgərin andiçmə mərasimindən gələn ailə qəzaya uğrayıb. Avtomobilin dərəyə yuvarlanması nəticəsində ailənin 4 üzvü ağır bədən xəsarətləri alıb.

Hadisə Muğanlı-İsmayıllı yolunun 2-ci km-də Şamaxının Muğanlı kəndi yaxınlığında qeydə alınıb. Qəbələdən Bakı istiqamətdə hərəkətdə olan minik avtomobili idarəetmədən çıxıb.

Dərəyə yuvarlanan avtomobilin içərisində olan 5 nəfər köməksiz vəziyyətdə qalıb. Əraziyə cəlb olunan FHN-in xüsusu xilasetmə qrupu avtomobildə olan yaralıları çıxarıb. Xəsarət alanlar Bakı şəhər sakinləri - 49 yaşlı Ələkbərova Aygün, onun övladı 23 yaşlı Aysel, ailənin digər üzvləri - 77 yaşlı Əliyeva Səyyarə və 15 yaşlı Tağızadə Nigar müxtəlif bədən xəsarətləri ilə Şamaxı Rayon Mərkəzi Xəstəxanasına çatdırılıblar. Hadisə ilə əlaqədar BDYPİ-nin İstintaq və Tədqiqat Bölməsində araşdırma aparılır. Qeyd edək ki, qəzaya düşənlər ailənin əsgərlikdə olan övladının andiçmə mərasimindən qayıdırlarmış.

-----------------
15.02.2015
23:03

Şamaxı rayonunda 5 nəfərin xəsarət alması ilə nəticələnən qəza baş verib.

APA-nın Fövqəladə Hallar Nazirliyinin (FHN) saytına istinadən verdiyi xəbərə görə, şamaxının Muğanlı kəndi ərazisində vətandaşa məxsus "VAZ" markalı minik avtomobili idarəetməni itirərək dərəyə yuvarlanıb.

Nəticədə sürücü və 4 nəfər sərnişin müxtəlif bədən xəsarətləri alıb. Onlar yanğınsöndürən-xilasedicilər tərəfindən avtomobildən çıxararaq aidiyyatı üzrə təhvil veriblər.

Milli.Az

------------------
16.02.2015
13:40

Videonu izləmək üçün şəklə klikləyin.