Göygöldə dəhşətli qəza: ata-oğul öldülər, 2 yaralı - YENİLƏNİB - FOTO

08.03.2015
09:51

Göygöldə baş verən qəzada ata və oğul dünyasını dəyişib.

Martın 7-si axşam saat 19 radələrində Göygöl rayonunun Aşıqlı kəndi ərazisində ağır yol qəza hadisəsi baş verib. Kəpəz TV (Region TV) xəbər verir ki, iki avtomobilin toqquşması zamanı iki nəfər ölüb, iki nəfər isə müxtəlif dərəcəli bədən xəsarətləri alıb. "Niva" ilə "Toyota" markalı avtomobillərin qəzaya uğramasından sonra "Niva"da olan sürücü və sərnişin Yusif Xıdırov və onun oğlu Anar Xıdırov dünyasını dəyişib. Digər avtomobildə olan sürücü və sərnişin Fərhad və qardaşı Nuru İsmayılovlar isə yaralı halda Gəncə Şəhər Təcili Tibbi Yardım Xəstəxanasına gətiriliblər. Hər iki şəxsin vəziyyəti qənaətbəxşdir.

Qeyd edək ki, qəza zamanı dünyasını dəyişən Yusif Xıdırov Azəriqaz İstehsalat birliyinin Dövlət Qaz Nəzarəti idarəsinin əməkdaşıdır.Yaralanan Fərhad İsmayılov isə Gəncə Şəhər Baş Polis İdarəsinin Kəpəz rayon Polis İdarəsində əməliyyat müvəkkili kimi çalışır. Hadisənin baş vermə səbəblərini Göygöl Rayon Prokurorluğu araşdırır.

Rəfail Əsədov, həkim: Bizim şöbəyə avtoqəza nəticəsində əvvəlcə bir xəstə daxil oldu. Onun vəziyyəti ağır olduğundan həyatını xilas etmək mümkün olmadı. Daha sonra şəxsi avtomobillə daha iki xəstə qəbul olundu. Onların vəziyyəti stabildir. Hazırda travmatologiya şöbəsində təcili və təxirəsalınmaz yardımlar davam etdirilir.

----------------
07.03.2015
21:13

Gəncə-Toğana avtomobil yolunun 11-ci kilometrliyində ağır yol nəqliyyat qəzası baş verib.

Milli.Az APA-ya istinadən bildirir ki, hadisə martın 7-də saat 19 radələrində rayonun Aşıqlı kəndi yaxınlığında baş verib. "Niva" markalı avtomobillə "Toyota" markalı avtomobil toqquşub.

Qəza zamanı "Niva"nın sürücüsü, hələlik kimliyi məlum olmayan şəxs hadisə yerində ölüb. Qəza yerinə gələn FHN-nin xilasediciləri meyiti deformasiyaya uğrayan avtomobildən çıxarıblar. Qəza zamanı "Niva"da olan başqa bir nəfər isə ağır bədən xəsarətləri alaraq Gəncə şəhər Təcili Tibbi yardım xəstəxanasına çatdırılsa da onun həyatını xilas etmək mümkün olmayıb. İlkin məlumata görə ölən şəxslərin ata-bala olduğu bildirilir.
 

"Toyota"nın sürücüsü 1969-cu il təvəllüdlü Fərhad İsmayılov və onun qardaşı 1966-cı il təvəllüdlü Nuru İsmayılov müxtəlif bədən xəsarətləri alaraq Gəncə şəhər Təcili Tibbi Yardım xəstəxanasına yerləşdirilib. "Toyota"nın sürücüsü polis əməkdaşı olduğundan faktı Göygöl rayon Prokurorluğu araşdırır.
 

----------
20:49

Gəncə-Toğana avtomobil yolunun 11-ci kilometrliyində ağır yol nəqliyyat qəzası baş ver

Milli.Az APA-ya istinadən bildirir ki, hadisə martın 7-də saat 19 radələrində rayonun Aşıqlı kəndi yaxınlığında baş verib. "Niva" markalı avtomobillə "Toyota" markalı avtomobil toqquşub. Qəza zamanı "Niva"da olan bir nəfər ölüb.

Hadisə yerinə gələn FHN-nin xilasediciləri meyiti deformasiyaya uğrayan avtomobildən çıxarıblar. Qəza zamanı "Niva"da olan başqa bir nəfər isə ağır bədən xəsarətləri alaraq Gəncə şəhər Təcili Tibbi yardım xəstəxanasına yerləşdirilib. Onun vəziyyətinin ağır olduğu bildirilir.

İlkin məlumata görə ölən şəxslə yaralının ata-bala olduğu bildirilir.

Faktla bağlı Göygöl rayon Polis Şöbəsində araşdırma aparılır.
 

Milli.Az

Böyütmək üçün şəkillərə klikləyin

----------------
08.03.2015
09:51



--------
21:13