Hadisə

"Lexus"un sürücüsü aləmi qarışıdırıb aradan çıxdı - FOTO

30 Aprel 2015 09:57
1 Şərh     Baxış: 3 131
VTB-də minimal faiz dərəcəsi ilə nağd kredit 9.9%-dən
#POPULYAR XƏBƏRLƏR #QƏZA #HYUNDAİ MOTOR CO LTD #OPEL INTERNATİONAL INC
Bakının Xətai rayonunda xəsarətlə nəticələnən yol-nəqliyyat hadisəsi baş verib.

APA-nın məlumatına görə, hadisə Nəcəfqulu Rəfiyev küçəsində qeydə alınıb.

Şamxalov Şamxal Nizami oğlu "Opel" markalı avtomobillə hərəkətdə olarkən idarəetməni itirib. Nəticədə avtomobil yolun qarşı hərəkət zolağının kənarında dayanmış "Hyundai" markalı avtomobilə çırpılıb. "Hyundai" isə arxada dayanmış "Toyota"ya dəyib. Qəza nəticəsində "Opel"in sürücüsü Şamxal Şamxalovun başı maşının alın şüşəsinə dəyib, o, başından və qolundan xəsarət alıb.

Hadisə yerinə gələn yol polisi əməkdaşları ilkin müayinələr aparıblar. Məlum olub ki, qəzaya "Opel"lə eyni istiqamətdə hərəkətdə olan "Lexus" markalı avtomobilin sürücüsü səbəb olub. Belə ki, "Lexus"un sürücüsü sağdan sola qəfil dönmə əməliyyatı edib. "Lexus"un sol tərəfində hərəkətdə olan "Opel"in sürücüsü isə qəzadan yayınmağa çalışıb və qarşı hərəkət zolağına çıxıb. Lakin sürücü Şamxal Şamxalov idarəetməni itirdiyindən, avtomobil yol kənarında dayanmış maşına çırpılıb. Qəza baş verdiyini görən "Lexus"un sürücüsü maşınını saxlayaraq, hadisə yerindən piyada uzaqlaşıb.

Yol polisi əməkdaşları qəzaya səbəb olduğu bildirilən "Lexus"un sürücüsünü tapmağa çalışır. Faktla bağlı araşdırmalar davam etdirilir.

Milli.Az

Böyütmək üçün şəkilə klikləyin.


Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.