Hadisə

Azərbaycanda avtobus qəzası, yaralılar var - YENİLƏNİB - VİDEO

10 Noyabr 2014 13:25

1 Şərh Baxış: 5 611

#HADİSƏ #VİDEO #BÖLGƏ XƏBƏRLƏRİ #NİVA A.D.

10:30

Qazaxda biri avtobus olmaqla 3 nəqliyyat vasitəsinin iştirakı ilə zəncirvari yol qəzası baş verib.

Milli.Az Kəpəz TV-yə istinadən bildirir ki, hadisə zamanı Türkiyə vətəndaşı Yılmaz Toprağın idarə etdiyi sərnişin avtobusu Süleyman Cəfərovun idarə etdiyi "Niva" ilə toqquşub. Qəza nəticəsində avtobus yol kənarında hərəkətsiz dayanan, Tahir İsmayılovun sahibi olduğu "VAZ 2107"yə dəyərək onu dərəyə yuvarlayıb.

Hadisə zamanı "Niva"nın sürücüsü Süleyman Cəfərov və onun sərnişini Ramin Qasımov müxtəlif bədən xəsarətləri alaraq Qazax Müalicə Diaqnostika mərkəzinə çatdırılıblar.

Xəstəxanadan bildirilib ki, hər iki yaralının vəziyyəti kafidir. Hadisə şahidlərinin sözlərinə görə, baş verən zəncirvari qəzaya "Niva"nın sürətlə idarə olunması və sərnişin daşıyan avtobusun qarşısına çıxması səbəb olub.

Faktla bağlı BDYP də araşdırma aparılır.

Milli.Az

-----------
13:25

Videonu izləmək üçün şəklə klikləyin.