Hadisə

Azərbaycanda "KamAz" minik maşınını əzdi: ata və azyaşlı oğlu xəsarət aldılar

29 Oktyabr 2014 10:10

0 Şərh Baxış: 2 092

VTB-də minimal faiz dərəcəsi ilə nağd kredit 9.9%-dən

#POPULYAR XƏBƏRLƏR #AZERBAİJAN #HADİSƏ #RUSSİA #QƏZA #KAMAZ JSC

Bakı-Quba-Rusiya Federasiyası dövlət sərhədi yolunun Siyəzən rayonu ərazisindən keçən hissəsində yol-nəqliyyat hadisəsi baş verib.

APA-nın məlumatına görə, "KamAZ" markalı yük maşını qarşıda hərəkətdə olan Quba rayonu Hacıhüseynli kənd sakini, 1983-cü il təvəllüdlü Həsənov Səməd Qasımağa oğlunun idarə etdiyi "VAZ 2107" markalı minik avtomobilini vurub.

Qəza nəticəsində minik maşını yoldan çıxaraq aşıb. Sürücü və onun 5 yaşlı oğlu Həsən Həsənov müxtəlif bədən xəsarətləri alaraq Siyəzən Regional Diaqnostika Mərkəzinə yerləşdirilib.

Azyaşlıya sağ bud sümüyünün sınığı, sürücüyə isə 4-5-ci qabırğaların qapalı sınığı diaqnozu qoyulub.

Faktla bağlı Baş Dövlət Yol Polis İdarəsinin istintaq və təhqiqat şöbəsində araşdırmalar davam etdirilir.

Milli.Az