Hadisə

Bakıda maşın yeni tikilən körpünün dirəyinə çırpılıb: 3 yaralı - FOTO

22 Oktyabr 2014 09:14

0 Şərh Baxış: 2 775

VTB-də minimal faiz dərəcəsi ilə nağd kredit 9.9%-dən

#POPULYAR XƏBƏRLƏR #FOTOREPORTAJLAR #HADİSƏ #QƏZA #OPEL INTERNATİONAL INC

Bakının Binəqədi rayonunda avtomobilin idarəetməsini itirən sürücü yol qəzası törədib.

APA-nın məlumatına görə, hadisə Ramiz Məmmədov küçəsində baş verib. Kamran Mehdiyev "Opel" markalı avtomobillə şəhər mərkəzi istiqamətində hərəkətdə olarkən qəfildən qarşısına piyada çıxıb. Piyadanı vurmamaq üçün avtomobili sağ tərəfə döndərən sürücü maşını yeni tikilən körpünün dirəyinə çırpıb. Qəza zamanı sürücü Kamran Mehdiyev və avtomobildə olan 2 sərnişin xəsarət alıblar. Yaralılara ilk yardımı hadisə şahidləri göstəriblər.

Yaralılar təcili tibbi yardım avtomobili ilə Kliniki Tibbi Mərkəzə çatdırılıblar. Xəstəxanadan APA-ya verilən məlumata görə, onların vəziyyəti qənaətbəxşdir.

Yanğın təhlükəsi yarandığından hadisə yerinə FHN-in Yanğından Mühafizə Xidmətinin texnikası və canlı qüvvəsi cəlb edilib.

Faktla bağlı araşdırma aparılır.

Milli.Az

Böyütmək üçün şəkillərə klikləyin.