Azərbaycanda yol qəzasında bələdiyyə sədri ölüb - YENİLƏNİB - VİDEO - FOTO

11:46

Milli.Az TTV-yə istinadən bildirir ki, "Kamaz"ın sürücüsünün dediyinə görə, hadisə "Mitsubishi"nin onun yoluna çıxması nəticəsində baş verib.

"Kamaz"ın sürücüsü İlqar Gülməmmədov: "Bakıya gedirdim. Gördüm gəlir, nə qədər işığı yandırdım, çıxmadı yolumdan. Həmin vaxt toqquşduq".

Qəzanın dəqiq səbəbləri hələ məlum deyil. Hadisə ilə bağlı Tovuz Rayon Polis İdarəsinin Yol Patrul Xidmətinin əməkdaşları araşdırma aparırlar.

---------
11:21

Tovuzda ötən gecə baş verən qəzada bələdiyyə sədri dünyasını dəyişib.

Milli.Az Kəpəz TV-yə istinadən bildirir ki, Bakı-Qazax avtomagistralının 440-cı kilometriliyində, Aşağı Quşçu kəndi ərazisində baş verən avtoqəzada Əlibəyli kənd sakini İlqar Gülmməmədovun idarə etdiyi "KamAZ" markalı yük avtomobili ilə Əlimərdanlı kənd sakini Abbas İbrahimovun sürücüsü olduğu "Mitsubushi" markalı avtomobil toqquşub. Nəticədə "Mitsubushi"nin sürücüsü, Əlimərdanlı kənd bələdiyyəsinin sədri, 54 yaşlı Abbas İbrahimov aldığı xəsarətlərdən hadisə yerində dünyasını dəyişib. Onun meyitini yanğınsöndürən-xilasedicilər deformasiyaya uğrayan minik avtomobilindən təhlükəsizlik qaydalarına riayət olunmaqla xüsusi alət və avadanlıqlar vasitəsi ilə çıxararaq aidiyyətı üzrə təhvil veriblər. Digər sürücü isə müxtəlif dərəcəli bədən xəsarətləri alaraq Tovuz Mərkəzi Rayon Xəstəxanasına çatdırılıb.

Baş verən hadisə ilə bağlı araşdırma aparılır.

---------
08:52

Bakı-Qazax magistral yolunun Tovuz rayonu ərazisindən keçən hissəsində ağır yol nəqliyyat qəzası baş verib.

Baş Dövlət Yol Polisi İdarəsindən APA-ya verilən məlumata görə, hadisə avqustun 27-də, saat 23 radələrində magistral yolun 440-cı kilometrliyində, Tovuz rayonunun Aşağı Quşçu kəndi ərazisində baş verib.

"KamAZ" markalı yük avtomobili ilə "Mitsubishi" markalı avtomobilin toqquşması nəticəsində "Mitsubishi"nin sürücüsü dünyasını dəyişib. Faktla bağlı Baş Dövlət Yol Polisi İdarəsində araşdırma aparılır. 

Milli.Az

-----------
13:21

Videonu izləmək üçün şəklə klikləyin.




----------
11:46

Böyütmək üçün şəkillərə klikləyin.


---------
08:52

Videonu izləmək üçün şəklə klikləyin.