Hadisə

"İran peçi" faciəyə səbəb oldu

8 Mart 2026 09:53
Baxış: 1 467
VTB-də minimal faiz dərəcəsi ilə nağd kredit 9.9%-dən
#PARTLAYIŞ #QAZ

Göygöl rayonunun Qızılqaya qəsəbəsində ehtiyatsızlıq ağır xəsarətlə nəticələnən yanğına və partlayışa səbəb olub.

Milli.Az xəbər verir ki, bu barədə Baku TV-nin videomaterialında bildirilib.

Məlumata görə, hadisə Rafayel Qasımova məxsus təsərrüfat binasında baş verib. 1975-ci il təvəllüdlü Zöhrab Qasımov binada olan zaman qaz sızması nəticəsində partlayış baş verib və ardınca yanğın başlayıb.

Zərərçəkmişin yaxınlarının bildirdiyinə görə, hadisəyə otaqdakı "İran peçi"ndən sızan qaz səbəb olub. Otağa dolan qazdan xəbərsiz olan Z.Qasımov siqaret yandırmaq istəyərkən güclü partlayış baş verib. Hadisə nəticəsində evin yataq otağı, sənədlər və əşyalar tamamilə yanaraq kül olub.

Hadisə yerinə dərhal Fövqəladə Hallar Nazirliyinin (FHN) yanğınsöndürmə briqadaları və polis əməkdaşları cəlb olunublar. Yanğın qısa müddətdə söndürülərək alovun digər tikililərə keçməsinin qarşısı alınıb.

Partlayış nəticəsində ağır xəsarətlər alan 51 yaşlı Zöhrab Qasımov dərhal Gəncə Şəhər Birləşmiş Xəstəxanasına yerləşdirilib. Həkimlər tərəfindən xəstəyə 3-cü dərəcəli yanıq diaqnozu qoyulub və vəziyyəti orta-ağır olaraq qiymətləndirilir.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.