Hadisə

Vətən müharibəsindən sağ qayıdan hərbçimiz Ukraynada öldü

13 Dekabr 2025 12:30

Baxış: 428

VTB-də minimal faiz dərəcəsi ilə nağd kredit 10.49%-dən

#RUSİYA-UKRAYNA MÜHARİBƏSİ

Rusiya-Ukrayna müharibəsində daha bir azərbaycanlı həlak olub.

Milli.Az qafqazinfo-ya istinadla xəbər verir ki, bu barədə hərbi bloqer Tofiq Şahmuradov sosial şəbəkə hesabında məlumat yayıb.

O bildirib ki, azərbaycanlı tibb xidməti kapitanı Qafur Həsənov Ukraynada gedən müharibədə həyatını itirib.

"44 günlük vətən müharibəsində Goranboy briqadasının tibb xidmət rəisi, müharibədə göstərdiyi qəhrəmanlıqlara görə "Azərbaycan bayrağı" ordeni, "Vətən uğrunda" medalı ilə təltif edilən tibb xidməti kapitanı Qafur Cəmaləddin oğlu Həsənov Azərbaycan ordusundan ehtiyata buraxılandan sonra Rusiya gedib.

Rusiya Silahlı Qüvvələrinin tərkibində Ukraynada gedən müharibədə həlak olub. Qafur həkimi şəxsən tanıyırdım, canavar kimi oğlan idi, gözündə qorxu olmayan bir qəhrəman idi", - paylaşımda bildirilib.

Milli.Az