Hadisə

“5 saniyə fərqlə həyatda qaldım”

8 Yanvar 2025 13:35
Baxış: 1 961
VTB-də minimal faiz dərəcəsi ilə nağd kredit 9.9%-dən
#HADİSƏ #BƏDBƏXT HADİSƏ

Xəbər verdiyimiz kimi, ötən gün Bakının Səbail rayonu Süleyman Tağızadə küçəsində yaşayış binasında təmir işləri üçün quraşdırılmış yük lifti qırılaraq yaxınlıqdakı avtomobil və motosikleti yararsız hala salıb.

Milli.Az qafqazinfo-ya istinadən xəbər verir ki, motosikletinə ciddi ziyan dəyən Pakistan vətəndaşı cəmi 5 saniyə ilə liftin onun üzərinə düşməsindən xilas ola bildiyini deyib.

"Bura dostumun yanına gəlmişdim. Tikinti aparan şirkət iş görür, amma təhlükəsizlik tədbirlərinə riayət etmir. Yoxlama işləri aparmır. Məsələn, bu gün mən ölə bilərdim. Yolun digər tərəfinə keçmək istəyirdim. 5 saniyə ilə təhlükədən xilas ola bildim. Hazırda çox şükür ki, yaxşıyam. Xoşbəxtəm ki, sağ qalmışam", - deyə o bildirib.

Məlumata görə, daha öncə də burada oxşar hadisə yaşanıb.

Binanın 13-cü mərtəbəsində təmir işləri aparan ev sahibi qeyd edib ki, zərərçəkənə dəyən bütün ziyanı ödəməyə hazırdır.

Məsələ ilə bağlı DİN-dən bildirilib ki, liftin qırılması nəticəsində moped və avtomobilin zərər görməsi barədə polisə məlumat daxil olub. Araşdırma aparılır. /Xəzər Xəbər

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.