Hadisə

Həmin təyyarə 3 gün əvvəl Türkiyəyə uçubmuş - Onda da enişdə problem yaranıbmış - FOTOlar

26 Dekabr 2024 09:38

Baxış: 3 445

#TÜRKİYƏ #AZAL-IN TƏYYARƏ QƏZASI

Türkiyə mətbuatı dünən dəhşətli qəzaya düşən sərnişin təyyarəsi ilə bağlı şok iddia ilə çıxış edib.

Mili.Az xəbər verir ki, Qazaxıstanda qəzaya düşən təyyarənin 3 gün əvvəl Trabzon səfərində istifadə edildiyi və birinci cəhddən enişin uğursuz olduğu bildirilib.

Qazaxıstanda qəzaya düşən Azərbaycan Hava Yollarına məxsus təyyarənin 3 gün əvvəl Trabzon Hava Limanına enişi zamanı pisti ötüb keçdiyi və pilotun ikinci cəhddə uğurla eniş etdiyi məlum olub.

4K-AZ65 dövlət qeydiyyat nişanlı Embraer E190AR tipli təyyarə Qroznıdakı duman səbəbindən marşrutunu dəyişdikdən sonra Qazaxıstanın Aktau şəhəri yaxınlığında qəzaya uğrayıb. Qazaxıstanın Fövqəladə Hallar Nazirliyi təyyarədə 62 sərnişin və 5 ekipaj üzvünün olduğunu, 32 nəfərin sağ xilas edildiyini bildirib.

Qəzaya uğrayan təyyarənin 22 dekabrda Bakı-Trabzon reysi üçün ayrıldığı və radar qeydlərinə əsasən, Trabzon Hava Limanına enişi zamanı pisti ötüb keçdiyi müəyyən olunub. Pilotun ikinci cəhddə təyyarəni endirə bildiyi qeyd edilib.

İslam
Milli.Az