17:43
Sosial şəbəkə və xəbər portallarında Bakıda ana dörd uşağını küçəyə atması ilə bağlı məlumat dərhal aidiyyəti dövlət qurumları tərəfindən nəzarətə götürülərək araşdırılıb.
Milli.Az lent.az-a istinadən bildirir ki, bu barədə Ailə, Qadın və Uşaq Problemləri üzrə Dövlət Komitəsinin mətbuat xidmətinin rəhbəri Teymur Mərdanoğlu məlumat yayıb.
O bildirib ki, qadının kimliyi müəyyən olunub.
"Öncə uşaqlar müayinə və müalicə üçün xəstəxanaya yerləşdiriliblər. Qadın isə ərazi üzrə polis əməkdaşları tərəfindən saxlanılıb. Onun övladlarından imtina etməsinin səbəbləri araşdırılır".
---------
15:29
Bakıda 4 azyaşlı uşaq küçəyə atılıb. Uşaqların anası tərəfindən tərk edildiyi iddia edilir.
Milli.Az qafqazinfo-ya istinadən xəbər verir ki, bu barədə Azərbaycan Uşaqlar Birliyinin sədri Kəmalə Ağazadə sosial şəbəkə hesabında paylaşım edib.
O qeyd edib ki, uşaqlar 3 gün öncə 23-cü Polis Bölməsi tərəfindən aşkarlanıb: "Tibbi müayinə məqsədi ilə uşaqlar Qarayev adına xəstəxanaya yerləşdirilib. Sosial Xidmətlər Agentliyi tərəfindən sığınacağa yerləşdirilib. Onların üçü təxminən 14, 5, 4 yaşlarındadır, ən kiçiyi isə 5-6 aylıq olar. Böyük qız bildirir ki, anam sevgilisi ilə bizi parkda qoydu və dedi ki, gedirəm kirayə ev tapmağa. O gedən gedib..."
Böyük qız əvvəllər Mingəçevirdə yaşadığını, anasının adının Günay, atasının Asim, nənəsinin Nəcibə, özünün isə Günəş olduğunu bildirib.
Uşaqların heç bir sənədinin olmadığı, daha əvvəl Xırdalanda yaşadıqları ehtimal olunur.
Milli.Az
Xəbərlərimizi WhatsApp kanalımızdan da oxuyun