Hadisə

Bölgələrdə qəzalar səngimir - VİDEO

2 Oktyabr 2023 20:00

Baxış: 691

VTB-də minimal faiz dərəcəsi ilə nağd kredit 10.49%-dən

#YOL #VİDEO #QƏZA #YOL QƏZASI

Ağcabədidə ölümlə nəticələnən ağır yol qəzası baş verib.

Milli.Az Xəzər TV-yə istinadən bildirir ki, hadisə Mingəçevir-Bəhrəmtəpə avtomobil yolunda qeydə alınıb.

Rayon ərazisində minik avtomobili digər nəqliyyat vasitəsi ilə toqquşub. Nəticədə maşın elektrik dirəyinə çırpılıb. Qəza zamanı bir nəfər - Şəmkir rayon Seyfəli kənd sakini, 27 yaşlı Orxan Hüseynov dünyasını dəyişib. Onun həmkəndlisi, 40 yaşlı Emin Məmmədov və iki nəfər müxtəlif dərəcəli xəsarətlər alıb. Yaralılar Ağcabədi Rayon Mərkəzi Xəstəxanasına yerləşdirilib.

Qəbələdə də minik maşını ilə yük avtomobili toqquşub. Hadisə rayonun Böyük Pirəli kəndindən Aydınqışaq kəndinə keçən ərazisində qeydə alınıb. Seymur Zamanovun idarə etdiyi maşın Əmrah Qasımovun idarə etdiyi yük avtomobili ilə toqquşub. Nəticədə minik maşınının sürücüsü xəsarət alıb. Sərnişin, Yevlax rayon sakini Fərman Səfərov aldığı xəsarətlərdən ölüb.

Hər iki faktla bağlı araşdırma aparılır.

Mövzu ilə bağlı daha ətraflı videomaterialı təqdim edirik:

Milli.Az