Hadisə

Zaqatalada itkin düşən hindistanlının qardaşından açıqlama

26 May 2022 17:22
0 Şərh     Baxış: 1 453

Zaqatalada 14 gündür itkin düşən hindistanlı turistin qardaşı danışıb.

Milli.Az lent.az- istinadla xəbər verir ki, qardaşı Dharan Kondaviti deyib ki, Manikant aprelin 26-da Hindistanı tərk edib:

"Təxminən iki həftədən sonra onunla əlaqə kəsilib. Manikant mayın 12-dən "Whatsapp" mesajlarına cavab verməyib. Əvvəlcə onun mobil şəbəkənin olmadığı əraziyə getdiyini düşünürdük. Ancaq iki gündən sonra həyəcan təbili çaldıq.

Manikant telefon danışıqlarının birində Zaqatala meşələrində gəzintiyə hazırlaşdığını deyib. O, mayın 17-də meşələri gəzdikdən sonra Bakıdan Özbəkistana uçmalı idi. Qardaşımın çantalarından biri hələ də otel otağındadır".

Manikantla əlaqə kəsildikdən sonra ailəsi bu barədə Hindistanın Azərbaycandakı səfirliyinə məlumat verib. Diplomatlar yerli polis və səlahiyyətlilərin köməyi ilə turistin izinə düşməyə çalışıblar. Manikantın Mumbayda bir İT şirkətində çalışdığı bildirilir:

"Biz bilirik ki, Hindistan Xarici İşlər Nazirliyi onu tapmaq üçün mümkün olan hər şeyi edir, lakin yaşadığımız gərginlik kulminasiya nöqtəsinə çatıb. Dua edirəm ki, qardaşım sağ-salamat tapılıb evə gəlsin".

Milli.Az

13,99%-dən 40 000 AZN-dək zaminsiz, komissiyasız KREDİT
Azernews Newspaper

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics