Hadisə

Azərbaycanda tragikomik hadisə: Xəstə günlərdi müayinə oluna bilmir - VİDEO

12 May 2022 18:12

0 Şərh Baxış: 2 465

VTB-də minimal faiz dərəcəsi ilə nağd kredit 9.9%-dən

#VİDEO

Müayinə üçün getdiyi xəstəxanadan ona rentgen müayinəsini edə bilməyəcəkləri deyilib. Səbəb kimi isə rentgen üçün lazım olan plyonkanın bitdiyi göstərilib. Əməkdaşlarımız hadisənin təfərrüatını elə yerində araşdırıblar.

Rentgen müayinəsi üçün getdiyi poliklinikadan əliboş qayıtdı. Ona plyonkanın olmadığı bildirildi...

Milli.Az Xəzər TV-yə istinadən xəbər verir ki, Bakı şəhər sakini Elman İsmayılovun iddialarına görə, artıq 6 gündür ki, rentgen müayinəsi üçün dəfələrlə ərazi üzrə poliklinikaya müraciət etsə də, heç cür müayinədən keçə bilməyib.

Müsahibimizin sözlərinə görə, ona xəstəxana tərəfindən müayinə olunmaq üçün başqa xəstəxanaya getməsi də təklif olunub.

Məsələdə adı hallandırılan poliklinikadan Xəzər Xəbər-ə bildirildi ki, plyonka bir neçə gün olmayıb. Daha sonra bayramla əlaqədar qeyri-iş günlərinə görə poliklinika plyonka ilə təchiz edilməyib. İş başladıqdan sonra isə bu çatışmazlıq aradan qaldırılıb.

Məsələ ilə bağlı İcbari Tibbi Sığorta üzrə Dövlət Agentliyindən isə bildirildi ki, tibb müəssisəsində rentgen plyonkası qurtardığından vətəndaşlara bu istiqamət üzrə tibbi xidmətin göstərilməsi müvəqqəti olaraq dayandırılıb. Vətəndaş rentgenoqrafiya tibbi xidmətindən qeyd olunan tibb müəssisəsində yararlana bilmədiyi təqdirdə TƏBİB-in tabeliyində olan şəhər mərkəzi xəstəxanalara və digər tibb müəssisələrinə müraciət edib ödənişsiz şəkildə istifadə edə bilər.

TƏBİB-dən isə bildirildi ki, həmin poliklinikada plyonkalar sadəcə 1 rəng üzrə müvəqqəti olaraq bitmişdi, artıq poliklinika tam təchiz olunub. Bu müddət ərzində vətəndaşlar ehtiyac yarandığı təqdirdə digər tibb müəssisələrinə yönləndirilərək, xidmət ala biliblər.

Milli.Az