Nəşr yazır ki, 2014-cü ildə YouTube videohostinqi 4 milyard dollar qazanıb, halbuki bir il əvvəl bu göstərici 3 milyard dollar təşkil edib. Bu halda xidmət hələ maya dəyərini çıxarmaq ərəfəsindədir.
Milli.Az ICTnews-a istinadən bildirir ki, YouTubeun gəlir yoxluğu onunla izah olunur ki, bir çox istifadəçilər nadir hallarda videoxidmətin saytına daxil olur və kənar səhifələrdə pleyerlər vasitəsilə çarxları izləyirlər. Bundan başqa, Facebook və Twitter kimi internet şirkətləri tərəfindən rəqabət var.
YouTube-un auditoriyası 1 milyard istifadəçini ötür, aylıq 6 milyard saatlıq video izlənilir və dəqiqədə 100 saatlıq videoməzmun yüklənilir.
Xatırladaq ki, 10 il bundan əvvəl PayPal ödəmə sisteminin 3 köhnə əməkdaşı - Çad Xarli, Stiven Çen və Caved Kərim YouTube.com domen adını qeydiyyatdan keçirib.
Milli.Az