Texnologiya

"ChatGPT"nin yeni modeli istifadəyə verildi - Bu problemləri həll edir

11 İyun 2025 17:41

Baxış: 1 439

VTB-də minimal faiz dərəcəsi ilə nağd kredit 9.9%-dən

#TEXNOLOGİYA #CHATGPT

"OpenAI" mürəkkəb məsələlərin həllinə yönəlmiş və xüsusilə məntiqi düşüncə, proqramlaşdırma bacarıqları və elmi sorğulara fokuslanan yeni "o3-pro" adlı dil modelini istifadəyə verib.

Milli.Az xəbər verir ki, VC portalının məlumatına əsasən, bu modelə artıq API üzərindən və "Team" və "Pro" abunəlik planları vasitəsilə giriş imkanı yaradılıb. "Enterprise" və "Edu" planlarının istifadəçiləri isə modelə gələn həftədən etibarən daxil ola biləcəklər. "ChatGPT Plus" abunəçiləri üçün isə modelin əlçatan olub-olmayacağı barədə hələlik rəsmi məlumat verilməyib.

"o3-pro" modeli həm mətn, həm də şəkilləri analiz etmək qabiliyyətinə sahib olsa da, şəkil yaratmaq funksiyasını dəstəkləmir. Modelin təlim bazası 2024-cü ilin iyun ayına qədərki məlumatları əhatə edir. Audiofaylları emal etmək funksiyası mövcud deyil, lakin istifadəçilərə internet axtarışı, fayl analizi, Python dili ilə proqramlaşdırma və faydalı yaddaş funksiyaları təklif olunur.

OpenAI bildirir ki, bu model əvvəlki "o3" versiyasını dəqiqlik və cavabların əhatəliliyi baxımından geridə qoyur. API üzərindən istifadə zamanı bir milyon giriş tokeni üçün qiymət 20 dollar, bir milyon çıxış tokeni üçün isə 80 dollar təşkil edir. Müqayisə üçün, "o3" modelində bu rəqəmlər müvafiq olaraq 2 və 8 dollar, "o1-pro" modelində isə 150 və 600 dollar civarındadır.

Milli.Az