Texnologiya

Nvidia ən əlçatan növbəti nəsil RTX videokartının buraxılış tarixini açıqladı - FOTO

8 May 2025 12:00

Baxış: 934

VTB-də minimal faiz dərəcəsi ilə nağd kredit 9.9%-dən

#MARAQLI #TEXNOLOGİYA

"Nvidia" yeni "GeForce" RTX 5060 videokartının satış tarixi və bu model ilə təchiz olunmuş ilk noutbuklar haqqında məlumat yayıb.

Milli.Az xəbər verir ki, "The Verge" portalının xəbərinə görə, satışlar 19 may tarixindən başlayacaq.

RTX 5060 modelinin tövsiyə olunan satış qiyməti 299 dollar (təxminən 510 manat) olacaq. Bu videokartla təchiz edilmiş noutbukların qiyməti isə 1,099 dollardan (təxminən 1,870 manat) başlayacaq.

Bu model RTX 50 seriyasının ən sadə və əlçatan versiyasıdır və daha güclü RTX 5060 Ti modelinə nisbətən texniki göstəricilərdə zəifdir. Belə ki, RTX 5060 cəmi 3,840 CUDA nüvəsinə malikdir - bu, Ti versiyasından təxminən 800 nüvə azdır.

Buna baxmayaraq, yeni model GDDR7 yaddaş formatını, DLSS 4 texnologiyasını və "Multi Frame Generation" xüsusiyyətini dəstəkləyir. Eyni zamanda, ən son nəsil "Tensor" və "Ray Tracing" (RT) nüvələri ilə təchiz olunub ki, bu da qrafika və oyun performansında əhəmiyyətli artım təmin edir.

"Nvidia"nın məlumatına görə, RTX 5060 modelinin satışından əvvəl bir neçə oyun DLSS 4 dəstəyi ilə yenilənəcək. "MechWarrior 5: Clans" oyunu üçün bu yeniləmə 7 may, "New World: Aeternum" oyunu üçün isə 13 may tarixində istifadəyə veriləcək.

Bununla belə, mütəxəssislər xəbərdarlıq edirlər ki, tövsiyə olunan qiymət real satış dəyərini əks etdirməyə bilər. Pərakəndə satışdakı əlavə xərclər və ABŞ-də tətbiq oluna biləcək yeni idxal tarifləri səbəbindən RTX 5060 modelinin qiyməti 299 dollardan (təxminən 510 manat) yuxarı ola bilər.

Kənan
Milli.Az