Qalmaqallı klinikanın dövlətə borcu 50 faizə yaxın ARTDI

Adı bir müddətdir qalmaqallarda hallanan MedAura Klinikasının son iki ayda dövlətə borcu 50 faizə yaxın artıb.

Milli.Az xəbər verir ki, bu barədə İqtisadiyyat.az kommersiya qurumlarının dövlət reyestrindən məlumat əldə edib.

Məlumata görə, ötən ilin noyabrında klinikanın dövlətə borcu 245 min manat təşkil edib.

Hazırda isə özəl tibb müəssisəsinin Dövlət Vergi Xidmətinin Bakı şəhəri Lokal Gəlirlər Baş İdarəsinə olan borcunun miqdarı 360 min manatı ötüb.

Belə ki, son iki ayda klinikanın borcunun həcmində 120 min manata yaxın və ya 50 faizə yaxın artım qeydə alınıb.

Qeyd edək ki, klinikanın mətbuatda adı mütəmadi olaraq qalmaqallarda (uğursuz estetik əməliyyatlara, koma və ölüm faktlarına görə) hallanıb.

Xatırladaq ki, MedAura Klinikası 2010-cu ildə dövlət qeydiyyatına alınıb, qanuni təmsilçisi Mübariz İsbiyevdir.

Milli.Az