Sağlamlıq

Çayın koronavirusa təsiri - Alimlər AÇIQLADI

22 Yanvar 2021 21:11
Baxış: 1 795
VTB-də minimal faiz dərəcəsi ilə nağd kredit 9.9%-dən
#MARAQLI #SAĞLAMLIQ #KORONAVİRUS

Kioto Tibb Universitetinin alimləri qara çayın insan tüpürcəyindəki koronavirusu on saniyədə təsirsiz hala gətirə biləcəyini iddia edib.

Milli.Az xəbər verir ki, araşdırmanın nəticələri "bioRxiv" vebsaytında dərc olunub.

İçkinin bu qabiliyyəti çay yarpaqlarında olan katexinlərin antioksidant tərkibi ilə əlaqələndirilib. Çay növündən asılı olaraq onlar fərqlənən digər bioloji aktiv birləşmələr meydana gətirirlər. Analiz üçün mütəxəssislər on saniyə ərzində bir tüpdə koronavirusa yoluxmuş beş nəfərin tüpürcəyini yaşıl və qara çayla qarışdırıb. Qara çayda virusun titri aşkarlanmayan səviyyəyə düşüb. Yaşıl çay nisbətən az effektivlik göstərib, lakin donorlardan birinin tüpürcəyində nəzarət şüşəsi ilə müqayisədə titr bir neçə dəfə azalıb.

Buna baxmayaraq, elm adamları çayın koronavirusun müalicəsi üçün istifadə oluna bilməyəcəyini qeyd edib. Çünki tərkibindəki bioloji aktiv maddələr bağırsaqlardan qana az hopur və onların konsentrasiyası virusu təsirsiz hala gətirmir.

"Çayda tannin adlı maddə var. Bu, güclü virusların və zülalların dağılmasına səbəb olan denaturatlaşdıran vasitədir. Odur ki, çay nə qədər istidirsə, tərkibində bir o qədər daha çox tannin olur və virusu təsirsiz hala gətirmə qabiliyyəti artır", - Moskva Dövlət Qida İstehsalat Universitetinin Biotexnologiya və Bioorqanik Sintez Məhsulları Texnologiyası kafedrasının eksperti bildirib.

Razumovski adına Moskva Dövlət Texnologiya Universitetinin kafedralarından birinin rəhbəri İqor Nikitin belə bir təsirin uzun müddət davam edə bilməyəcəyini əlavə edib. (publika.az)

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.