Sağlamlıq

"Paraşok" südünü təbii süddən necə ayırmaq olar?

1 Aprel 2019 22:42
0 Şərh     Baxış: 6 735
VTB-də minimal faiz dərəcəsi ilə nağd kredit 9.9%-dən
#MARAQLI #SAĞLAMLIQ

Quru süd (el arasında "paraşok süd") təbii süddən hazırlanır.

Süd pasterizə olunur, qatılaşdırılır, sonra xüsusi quruducu kameralarda 170 C-də qurudulur. Nəticədə toz halında olan quru süd alınır.

Quru südün dadı dəyişilir, tərkibində vitaminlər, enzimlər və digər faydalı maddələr dağılır. Ən pisi isə odur ki, quru süddün hazırlanması zamanı onun tərkibində qeyri-tipik oksisterol maddələri əmələ gəlir ki, bu maddələr aterosklerozun inkişafına səbəb ola bilər. Məhz bu səbəbdən bəzi xarici ölkələrdə quru süddən "süd" hazırlamaq qadağandır, digər ölkələrdə isə "paraşok"dan hazırlanmış südün üzərində süd deyil, "süd içkisi" kimi qeyd yazılır.

"Paraşok"dan hazırlanmış südü necə təyin etmək olar?

Milli.Az saglamolun.az-a istinadən bir neçə üsul sizə təqdim edir:

"Paraşok"dan  hazırlanmış südü təyin etmək üçün ilk növbədə onun dadına baxın. Südün dadı şirindirsə, bu süd çox güman ki, məhz "paraşok"dan hazırlanıb.

Digər üsul - südü stəkana töküb ağ vərəqin üzərinə göyun. Təbii süd ağ, bulanıq-ağ və göyümtül rəngdə ola bilər. Südün rəngi qırmızıya və ya narıncıya çalırsa, bu süd quru süddən hazırlanıb.

Daha çox gəlir əldə etmək üçün quru südə tez-tez nişasta və ya un əlavə edirlər. Südü stəkana tökün və üzərinə bir neçə damcı yod töküb qarışdırın, südün rəngi göyə çalırsa, bu süd "paraşok"dan hazırlanıb.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.