Dünya

Aİ Suriyaya tətbiq olunan məhdudiyyətləri ləğv etdi

11 May 2026 14:23

Baxış: 366

VTB-də minimal faiz dərəcəsi ilə nağd kredit 9.9%-dən

Avropa İttifaqı Şurası Avropa İqtisadi Birliyi ilə Suriya Ərəb Respublikası arasında imzalanmış Əməkdaşlıq Sazişinin qismən dayandırılmasına dair qərarı ləğv edib və sazişin tam tətbiqini bərpa edib.

Milli.Az xəbər verir ki, bu barədə məlumat Avropa İttifaqı Şurasının saytında yerləşdirilib.

Məlumata görə, adıçəkilən qərarla Suriyaya qarşı 2011-ci ildə qəbul edilən və 2012-ci ildə uzadılan məhdudiyyətlər aradan qaldırılıb. Həmin məhdudiyyətlər Bəşər Əsəd rejiminin insan hüquqları pozuntularına cavab olaraq tətbiq edilmişdi və Suriya məhsullarının, o cümlədən neft, neft məhsulları, qızıl, qiymətli metallar və almaz kimi malların ticarətinə dair bəzi məhdudiyyətləri əhatə edirdi.

"Qismən dayandırmanın başa çatdırılması Avropa İttifaqı ilə Suriya arasında ikitərəfli münasibətlərin gücləndirilməsi istiqamətində mühüm addımdır", - qərarda qeyd olunur.

Açıqlamada, həmçinin bildirilir ki, 2011-ci ildə tətbiq edilən bu tədbir ciddi insan hüquqları pozuntularına cavab idi və 2024-cü ilin dekabrında Əsəd rejiminin süqutundan sonra bu əsaslar artıq mövcud deyil.

"Qərarın ləğvi Avropa İttifaqının Suriyada sülh, inklüziv keçid və iqtisadi bərpa prosesini dəstəkləmək siyasəti ilə uyğundur", - Aİ Şurası vurğulayıb.

Bildirilib ki, bu addım Aİ-nin Suriya ilə münasibətləri yenidən qurmaq və ölkənin iqtisadi bərpasına dəstək vermək niyyətini göstərir./Apa

Milli.Az