Sağlamlıq

Azərbaycanda 600-ə yaxın səhiyyə müəssisəsi və xəstəxana açılıb

25 Sentyabr 2014 13:56
Baxış: 1 716
VTB-də minimal faiz dərəcəsi ilə nağd kredit 9.9%-dən
#SAĞLAMLIQ #ITE GROUP PLC

Son 7 il ərzində Azərbaycanda 600-ə yaxın yeni səhiyyə müəssisəsi və xəstəxana açılıb

Trend xəbər verir ki, bunu səhiyyə nazirinin müavini Elsəvər Ağayev bu gün Bakıda "Iteca Caspian" və onun tərəfdaşı "ITE Group Plc" şirkətlərinin təşkilatçılığı ilə tibb sahəsində regionun ən iri ixtisaslaşdırılmış tədbiri olan 20-ci Yubiley Azərbaycan Beynəlxalq Səhiyyə - BIHE, 9-cu Azərbaycan Beynəlxalq Stomatologiya , 8-ci Azərbaycan Beynəlxalq Gözəllik və Estetik Tibb ("Beauty Azerbaijan 2014") sərgilərinin açılış mərasimində bildirib.

Onun fikrincə, bu xəstəxanaların müasir avadanlıqlar və dərmanlarla təchiz edilməsində səhiyyə sərgilərinin rolu böyükdür.

Nazir müavini qeyd edib ki, Azərbaycanda səhiyyə sərgisinin keçirilməsi artıq adət halını alıb və hər il onun iştirakçılarının sayı daha da artır, Azərbaycan səhiyyəsi dünya səhiyyəsinə inteqrasiya edir.

E.Ağayev bildirib ki, builki sərgidə 17 ölkədən 147 şirkət iştirak edir. Ənənəvi olaraq səhiyyə sərgisi ilə yanaşı, artıq 9 ildir stomatologiya sərgisi, 8 ildir estetik tibb sərgiləri keçirilir.

Sərginin açılışında çıxış edən iqtisadiyyat və sənaye nazirinin müavini Niyazi Səfərov bildirib ki, bu sərgilər iqtisadi sahədə əldə edilən nailiyyətləri əks etdirir.

Sərgi sentyabrın 27-dək davam edəcək.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.