Sağlamlıq

Bayramdan qalan bu qidalar TƏHLÜKƏLİDİR

22 Mart 2026 15:52

Baxış: 1 592

VTB-də minimal faiz dərəcəsi ilə nağd kredit 9.9%-dən

#SAĞLAMLIQ #QİDA #NOVRUZ

Bayram süfrələrinin bolluğu çox zaman görünməyən təhlükəni də özü ilə gətirir. İlk baxışda "israf olmasın" düşüncəsi ilə saxlanılan yeməklər əslində sağlamlıq üçün ciddi risk mənbəyinə çevrilə bilər. Xüsusilə yumurta, ət, toyuq, balıq, göbələk və mayonez əsaslı qidalar düzgün saxlanmadıqda sürətlə xarab olur və zəhərlənmə ehtimalını artırır.

Mütəxəssislər bildirir ki, bu tip məhsullardan hazırlanmış yeməklər süfrədə iki saatdan artıq qalmamalıdır. Otaq temperaturu bakteriyaların sürətlə çoxalması üçün ideal mühit sayılır. Nəticədə qida zahirən normal görünsə belə, tərkibində təhlükəli mikroorqanizmlər formalaşa bilər.

Xüsusilə isti havalarda risk daha da artır. Açıq qabda saxlanılan yeməklər həm havadakı mikroblarla təmasda olur, həm də temperatur təsirindən tez korlanır. Bu cür qidaların sonradan yenidən qızdırılaraq yeyilməsi isə təhlükəni aradan qaldırmır. Çünki bəzi bakteriyalar yüksək temperatura davamlı toksinlər ifraz edir.

Həkimlər qida zəhərlənmələrinin əsas səbəblərindən birinin məhz düzgün saxlanmayan bayat yeməklər olduğunu vurğulayır. Ürəkbulanma, qusma, ishal, halsızlıq kimi əlamətlər qısa müddətdə özünü göstərə bilər və bəzi hallarda vəziyyət ağırlaşaraq tibbi müdaxilə tələb edir.

Məsləhət olunur ki, bişirilmiş yeməklər maksimum iki saat ərzində soyuducuya yerləşdirilsin və saxlanma müddətinə ciddi nəzarət olunsun. Şübhə doğuran qidaları isə heç bir tərəddüd etmədən atmaq daha təhlükəsiz seçimdir. Unutmayaq ki, qənaət naminə sağlamlığı riskə atmaq doğru yanaşma deyil. Bayat və ya düzgün saxlanmamış yeməklərdən imtina etmək həm özünüzün, həm də ailənizin sağlamlığını qorumağın ən sadə və effektiv yoludur. /musavat.com

Milli.Az

Milli.Az - Xəbər Portalı

Bayramdan qalan bu qidalar TƏHLÜKƏLİDİR

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?