Sağlamlıq

Bu virus dəmir dövründən bəri var imiş

5 Yanvar 2026 17:00
Baxış: 1 161
VTB-də minimal faiz dərəcəsi ilə nağd kredit 9.9%-dən
#SAĞLAMLIQ

Herpes virusunun 2800-dən çox yaşı var imiş.

Milli.Az-ın məlumatına görə Almaniya və Estoniya universitetlərinin alimləri müəyyən ediblər ki, insan herpes virusunun 6-cı tipi (HHV-6) dəmir dövründən bəri insanları yoluxdurur və onların genomuna daxil olur.

Araşdırmada alimlər ilk dəfə HHV-6A və HHV-6B variantlarının qədim genomlarını arxeoloji insan qalıqlarından bərpa ediblər. Təxminən 4000 sümüklü nümunə analiz edilib və 11 qədim virus genomu tapılıb. Ən erkən nümunə İtaliyada 1100-600 illər əvvəl yaşamış gənc qızdan əldə olunub. HHV-6 izlərinə həmçinin İngiltərə, Belçika, Estoniya, İtaliya və erkən tarixli Rusiya məzarlıqlarında rast gəlinib.

Alimlər qeyd ediblər ki, HHV-6 virusu xromosomlara inteqrasiya olunmaq xüsusiyyətinə malikdir. Bəzi hallarda bu virus genomu irsən ötürülür və bütün hüceyrələrdə mövcud olur, bu isə hazırda insanların təxminən 1%-ində müşahidə edilir.

Tədqiqat göstərib ki, bəzi inteqrasiyalar minilliklər əvvəl baş verib və nəsillər boyu insan populyasiyasında qorunub saxlanılıb. İngiltərənin bir neçə orta əsr sakini isə ən qədim irsi HHV-6B virusu daşıyıcıları kimi tanınıb.

Alimlər həmçinin HHV-6A və HHV-6B variantlarının təkamül fərqlərini qeyd ediblər. HHV-6A zamanla insan DNT-sinə inteqrasiya qabiliyyətini itirsə də, HHV-6B bu xüsusiyyəti qoruyub saxlayıb. Bu da virusların insanla uzunmüddətli qarşılıqlı təsirdə fərqli strategiyalara malik olduğunu göstərir.

İsmayıl
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.