Sağlamlıq

Kolbasa yeməyin, bu xəstəlikləri yaradır - Ekspertdən açıqlama

11 Sentyabr 2025 01:01

Baxış: 2 314

VTB-də minimal faiz dərəcəsi ilə nağd kredit 9.9%-dən

#SAĞLAMLIQ

Daimi olaraq kolbasa və digər emal olunmuş ət məhsullarını yemək bir sıra ciddi sağlamlıq problemlərinə səbəb ola bilər, çünki bu məhsulların tərkibində yüksək miqdarda duz, doymuş yağlar, konservantlar və kanserogen maddələr mövcuddur.

Milli.Az xəbər verir ki, mövzu ilə bağlı qida eksperti Ağa Salmanov bildirib ki, bu cür məhsulların müntəzəm qəbulu ilk növbədə yoğun bağırsaq xərçəngi riskini artırır:

"Dünya Səhiyyə Təşkilatının məlumatına görə, gündəlik 50 qram emal olunmuş ət istehlakı xərçəng riskini 18% yüksəldir. Kolbasa kimi məhsullar həmçinin ürək-damar xəstəliklərinə, yüksək qan təzyiqinə və damar tıxanmasına səbəb ola bilər, çünki onların tərkibindəki natrium və doymuş yağlar bu riskləri artırır. Bundan əlavə, müntəzəm kolbasa qəbulu orqanizmdə çəki artımı, insulin müqaviməti və 2-ci tip şəkərli diabet kimi maddələr mübadiləsi pozuntularına gətirib çıxara bilər".

Ekspert bildirib ki, bəzi konservant və qatqılar uşaqlarda hiperaktivlik və diqqət pozuntusu kimi nevroloji problemlərə də səbəb ola bilər. Bu məhsullar həmçinin mədə-bağırsaq xəstəliklərinə, o cümlədən qastrit, mədə xorasına və hətta mədə xərçənginə də yol aça bilər. Mütəxəssislər tövsiyə edirlər ki, insanlar bu məhsulları gündəlik qidalanma rasionundan çıxarmalı, onların yerinə daha çox təbii və az işlənmiş qidalara üstünlük verməlidirlər.

Aysel Əkbər
Milli.Az