Sağlamlıq

Bu qidaları yeyin, təzyiq probleminiz olmayacaq

17 İyun 2025 23:00
Baxış: 1 557
VTB-də minimal faiz dərəcəsi ilə nağd kredit 9.9%-dən
#SAĞLAMLIQ #SAĞLAM QİDA

Yüksək qan təzyiqini nəzarətdə saxlamaq üçün illərdir duz istehlakını azaltmaq məsləhət görülür. Lakin Kanadada aparılan yeni araşdırma bu yanaşmanın təkbaşına kifayət etmədiyini ortaya çıxarıb.

Milli.Az xəbər verir ki, Vaterloo Universitetindən professor Anita Laytonun rəhbərlik etdiyi tədqiqat nəticəsində məlum olub: kaliumla zəngin qidaların qəbulu qan təzyiqinə duzun azaldılmasından daha effektiv təsir göstərə bilər.

Böyük Britaniyanın "The Mirror" nəşrində yayımlanan xəbərdə qeyd olunur ki, banan, brokoli, kartof, avokado və ispanaq kimi məhsulların gündəlik rasiona daxil edilməsi qan təzyiqini sabit saxlamaqda mühüm rol oynayır. Bu məhsullar orqanizmdə artıq natriumun atılmasına və təzyiqin aşağı düşməsinə səbəb olur.

Tədqiqatçılar bildirir ki, yüksək təzyiqlə mübarizədə kalium və natrium arasında tarazlıq əsas faktorlardan biridir. Əksinə, işlənmiş qidalar, fast-food məhsulları, pizza və çörək isə yüksək miqdarda natrium tərkibli olduğundan təzyiqi artırır.

Mütəxəssislər həm kaliumla zəngin qidaların qəbulunu artırmağı, həm də natriumun (duzun) miqdarını azaldaraq balanslı qidalanmanı tövsiyə edirlər. Araşdırma nəticələri göstərir ki, bu iki amilin birlikdə tənzimlənməsi yüksək qan təzyiqinin qarşısını almaqda daha effektiv ola bilər.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.