Sağlamlıq

Sağlam bilib içirik amma kola qədər zərərli imiş

23 Aprel 2025 11:27

Baxış: 12 134

VTB-də minimal faiz dərəcəsi ilə nağd kredit 9.9%-dən

#SAĞLAMLIQ #XƏSTƏLİK

Son illərdə xüsusilə sağlam qidalanma tərzi ilə maraqlananların menyusunda ön sıralarda yer alan "smoothie" içkiləri ilə bağlı xəbərdarlıq edilib.Meyvələrdən hazırlanan bu içkilər sağlam hesab olunsa da, tərkibindəki şəkərin səviyyəsi ciddi risklər yarada bilər.

Milli.Az xəbər verir ki, Dorset Universiteti Xəstəxanalarının məsləhətçi həkimi Dr. David Cavan bildirib ki, bəzi smoothie növləri tərkibindəki şəkər baxımından qazlı içkilərlə, xüsusilə də kolayla eyni səviyyədədir: "Bir smoothie bəzən bir qutu soda qədər, yəni təxminən 9 çay qaşığı şəkər ehtiva edə bilər. Bu isə həm çəki artımı, həm də 2-ci tip şəkərli diabet riskini artırır."

Dr. Cavan qeyd edib ki, smoothie içkilərindəki şəkərin meyvədən gəlməsi onun zərərini azaltmır: "Bəli, bu şəkər təbiidir, amma bu, onun sağlam olduğu anlamına gəlmir. Meyvənin lifli hissələri smoothies hazırlanan zaman əzilərək aradan qalxır və nəticədə içki daha şirin, lakin daha az doyurucu olur".

O, həmçinin tövsiyə edir ki, insanlar smoothie və meyvə şirəsi yerinə meyvənin özünü istehlak etsinlər. Beləliklə həm daha az kalori qəbul olunur, həm də daha uzun müddət tox qalmaq mümkündür.

Fidan
Milli.Az