Sağlamlıq

Bəzi qidalar təhlükəlidir: Botulizmə yoluxa bilərsiniz

24 İyun 2024 05:05
Baxış: 691
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Botulizmin ən çox yayılmış infeksiya mənbəyi konservləşdirilmiş qidalardır, ancaq hisə verilmiş, duzlu və ya qurudulmuş balıq yeməklə də yoluxa bilərsiniz.

Milli.Az oxu.az-a istinadən bildirir ki, bu barədə rusiyalı infeksionist və pediatr Yevgeni Şapovalov məlumat verib.

"Botulizmə səbəb botulinum toksini istehsal edən clostridium botulinum bakteriyasıdır. Bu proses yalnız aşağı oksigen səviyyələrində, məsələn, germetik bankada gedir. Buna görə də, çox vaxt infeksiya konservləşdirilmiş qidaları istehlak edərkən baş verir: duza qoyulmuş və ya marinadlaşdırılmış tərəvəzlər, konservləşdirilmiş ət, balıq, tərəvəz, kompotlar və ya mürəbbə", - deyə infeksionist bildirib.

Həkim, həmçinin qeyd edib ki, botulizmə qurudulmuş, duzlu və ya hisə verilmiş balıqdan da yoluxmaq mümkündür: "Əgər məhsul hazırlanma prosesində düzgün emal olunmayıbsa, botulizmə yoluxmaq mümkündür. Ona görə də, balığı ancaq xüsusi dükanlardan almaq və onu soyuducuda, 3 dərəcədən çox olmayan temperaturda saxlamaq lazımdır".

"Evdə məhsulları konservləşdirərkən qabları hərtərəfli sterilizasiya etmək vacibdir. Həmçinin mağazadan şişmiş və ya zədələnmiş qutularda olan məhsullar qətiyyən alınmamalıdır", - Şapovalov əlavə edib.

Milli.Az

Xəbərlərimizi WhatsApp kanalımızdan da oxuyun

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.