Bu universitetin tələbələrinin 2 diplomu olacaq

Türkiyə-Azərbaycan Universitetinin (TAU) tələbələrinin ali məktəbi bitirdikdə iki diplomları olacaq.

Milli.Az xəbər verir ki, bunu Report-a müsahibəsində Hacettepe Universitetinin rektoru professor Mehmet Cahid Güran deyib.

Qeyd edək ki, TAU-da qida mühəndisliyi ixtisasında Hacettepe Universitetinin təhsil proqramları əsas götürüləcək.

Onun sözlərinə görə, qarşılıqlı şəkildə diplomlar hər iki ölkədə tanınacaq.

"Həmin məzunların Türkiyədə YÖK-ün diplom tanınma prosesindən keçməsinə ehtiyac qalmayacaq", - rektor deyib.

Rektor bildirib ki, Hacettepe Universitetinin müəllim heyəti tələbələrə Ankaradakı Beytepe və Sihhiyede yerləşən korpuslarında hansı keyfiyyət və standartda dərs tədris edirsə, eyni keyfiyyət və standartda da TAU-dakı tələbələrinə təhsil verəcək.

Milli.Az
Xəbərlərimizi WhatsApp kanalımızdan da oxuyun