İqtisadiyyat

“Azəri-Çıraq-Günəşli”dən Azərbaycanın payına 72,6 mln ton neft düşüb

20 Aprel 2010 15:38

Baxış: 1 836

VTB-də minimal faiz dərəcəsi ilə nağd kredit 9.9%-dən

#EXXON MOBİL CORP #CHEVRON CORPORATİON #ITOCHU CORP #INPEX CORP #STATOİL ASA

Bu barədə Sənaye və Energetika Nazirliyinin mətbuat xidmətinin rəhbəri Azər Məsimli bildirib. Onun sözlərinə görə, indiyə kimi AÇG vasitəsilə hasil edilən neftin ümumi həcminin 72,6 milyon tonu Azərbaycanın payına düşüb.

"Azəri-Çıraq-Günəşli" yataqlar blokunun səhmdarları bunlardır: bp (operator - 34,1%), "Chevron" (10,2%), ARDNŞ (10%), INPEX (10%), "StatoilHydro" (8,6%), "ExxonMobil" (8%), TRAO (6,8%), "Devon" (5,6%), ITOCHU (3,9%), "Hess" (2,7%).

"Azəri-Çıraq-Günəşli" layihəsi üzrə birgə işləmə və hasilatın pay bölgüsü barədə saziş 1994-cü ilin sentyabrında imzalanıb. Müqavilənin fəaliyyət müddəti 30 ildir. "Çıraq" yatağında hasilat 1997-ci ildə, "Mərkəzi Azəri"də 2005-ci ilin əvvəlində, "Qərbi Azəri"də 2006-cı ilin əvvəlində, "Şərqi Azəri"də isə 2006-cı ilin sonunda başlanıb. 2008-ci ilin aprel ayının sonunda "Günəşli" yatağının dərin su hissələrində hasilata başlanılıb.

2010-cu ildə bp şirkəti bu yataqlar blokundan 42,1 milyon ton neft hasil edəcək. 2009-cu ildə bu göstərici 40,3 milyon ton təşkil edib. Hazırda "Azəri-Çıraq-Günəşli" yataqlar blokundan sutkalıq təxminən, 854 min ton neft hasil edilir.

/Trend/